Az-Wikipedia - Azərbaycan Ensiklopediyası » Azərbaycan Milli Qəhrəmanları

Ənvər Arazov

admin — Wed, 13 May 2009 13:56:02 +0000

Ənvər Talış oğlu Arazov (1953 – 1992)- Azərbaycan Respublikasının Milli qəhrəmanı.

1953-cü ildə Gəncədə anadan olub. 1989-cu ildə Çaykəndin alınması uğrunda gedən döyüşlərdə iştirak edib. 1992-ci ildə Gəncədə Milli Müdafiə Qərargahının müdirinin II müavini olub. 1992-ci ilin avqustunda Tər-Tərə alay komandiri təyin olunub. Göstərdiyi sücaətlərə görə ona polkovnik rütbəsi verilib. 1992-ci ildə Sırxavənd uğrunda gedən döyüşlərdə qəhrəmancasına həlak olub.

İki övladı yadigar qalıb.

Əmiraslan Əliyev

admin — Wed, 13 May 2009 13:55:05 +0000

Əliyev Əmiraslan Rza oğlu (1960-1995) – Azərbaycanın Milli Qəhrəmanı.

Əliyev Əmiraslan Rza oğlu 30 avqust -cı ildə Naxçıvan şəhərində anadan olmuşdur. Ə.Əliyev Naxçıvan Dövlət Pedaqoji İnstitutunun tarix-ədəbiyyat fakültəsini bitirib. 1992-ci ildə Azərbaycan Respublikası Milli Təhlükəsizlik Nazirliyinin Sərhəd Qoşunlarında hərbi xidmətə çağırılıb. 1994-cü ilin oktyabr ayında dövlət çevrilişi cəhdinin qarşısının alınmasında xüsusi fədakarlıq nümayiş etdirən baş leytenant Ə.Əliyev 1995-ci ildə Azərbaycan Respublikasında növbəti dövlət çevrilişi cəhdin qarşısının alınmasında qəhrəmancasına həlak olub. Əliyev Əmiraslan Rza oğlu Azərbaycan Respublikası Prezidentinin 04 aprel 1995-ci il tarixli 307 saylı Fərmanı ilə Azərbaycanın Milli Qəhrəmanı adına layiq görülmüşdür. Dövlət Sərhəd Xidmətinin Naxçıvan Sərhəd Dəstəsinin 12-ci zastavası Ə.Əliyevin adını daşıyır.

Həmçinin bax

Mənbə

MİLLİ QƏHRƏMANLARIMIZ

Xarici keçidlər

http://vetenimazerbaycan.com

Əliyar Əliyev

admin — Wed, 13 May 2009 13:53:11 +0000

Əliyar Yusif oğlu Əliyev – güləşçi, Azərbaycanın Milli Qəhrəmanı.

Həyatı

ƏLİYAR ƏLİYEV

Tam Adı	Əliyar Yusif oğlu Əliyev
Doğum Tarixi	14 dekabr, 1957
Doğum Yeri	Qəzyan, Qubadlı
Ölüm Tarixi	3 oktyabr, 1992

Əliyar Əliyev 1957-ci il dekabrın 14-də Qubadlının Qəzyan kəndində anadan olub. Azərbaycan Dövlət Bədən Tərbiyəsi İnstitutunu bitirib. Hərbi xidməti başa vurduqdan sonra Saransk Dövlət Universiteti onu idman üzrə tanınmış mütəxəssis kimi müəllim işləməyə dəvət edir. 2 il Əliyar həmin universitetdə müəllim işləyir. Atasının ölümü ilə əlaqədar dəfnə qayıdır, qəsəbə orta məktəbində müəllim, “Məhsul” könüllü idman cəmiyyətinin rayon şöbəsinin məşqçisi vəzifəsində çalışır. Az vaxt içərisində onun yaxşı işini nəzərə alıb Həmkarlar İttifaqı könüllü bədən tərbiyəsi və İdman cəmiyyəti rayon şurasının sədri seçirlər. Klassik güləş üzrə dəfələrlə respublika, ümumittifaq və beynəlxalq yarışların qalibi olub. Bilavasitə Əliyarın rəhbərliyi ilə yetişmiş 8 nəfər respublika və SSRİ çempionu olmuş, 1 nəfər isə olimpiya yığma komandasına üzv seçilmişdir.

Qarabağ müharibəsi başlayanda Əliyar Əliyev könüllü olaraq müharibə meydanına atılır. Müharibədə özünü təkcə döyüşçü kimi yox, həm də müharibə təşkilatçısı kimi göstərməyə başlayır. Əvvəlcə tabor kəşfiyyat bölməsinin komandiri, sonra təchizat üzrə taborun rəisi təyin edilir. 1992-ci ildən isə tabor komandiri vəzifəsini daşıyır. Düşmənin canlı qüvvəsinin məhv edilməsində dəfələrlə igidlik göstərir. Bir döyüşçü kimi onun ən başlıca xüsusiyyəti ən ağır döyüş yerlərinə can atması idi. Əliyar döyüşə başlayanda onun ətrafındakılarda böyük ruh yüksəkliyi yaranır və igidliklə vuruşurdular.

Əliyarın son döyüşü 1992-ci il oktyabrın 3-də Laçının iki kilometrliyində olub. Həmin döyüşdə tabor komandiri Ə.Əliyev və onun sürücüsü Əlisadət Ağayev qəhrəmancasına həlak olublar. Bu böyük qəhrəmanlığına görə Azərbaycan Respublikası Prezidentinin 7 dekabr 1992-ci il fərmanı ilə ona Azərbaycanın Milli Qəhrəmanı adı verilib.

İki oğlu və 1 qızı var.

Məzarı doğulub boya-başa çatdığı Qəzyan kəndindədir.

Şövqiyar Abdullayev

admin — Wed, 13 May 2009 13:50:59 +0000

Abdullayev Şövqiyar Cəmil oğlu (1969-1992) – Azərbaycan Milli Qəhrəmanı

Həyatı

ŞÖVQİYAR ABDULLAYEV

Tam adı

Şövqiyar Cəmil oğlu Abdullayev

Doğum tarixi

5 aprel, 1969

Doğum yeri

Nərimanlı, Basarkeçər

Ölüm tarixi

27 avqust, 1992

Ölüm yeri

Drambon, Ağdərə

Dəfn yeri

Şəhidlər xiyabanı

Ölüm səbəbi

Şəhid olmuşdur

Milli Qəhrəman adı

5 fevral, 1993, fərman N457

Şəxsi vebsaytı

Şövqiyar Abdullayev 1969-cu il aprel ayının 5-də Qədim Göyçə mahalı Basarkeçər rayonunun Nərimanlı kəndində dünyaya gəlmişdir. 1986-cı ildə Nərimanlı kəndində orta məktəbi əla qiymətlərlə bitirmiş, Azərbaycan Dövlət Politexnik İnstituna (indiki Texniki Universitet) daxil olmuşdur. Birinci kursu bitirdikdən sonra isə ordu sıralarına çağrılır. 1989-cu ildə Monqolustanda hərbi xidmətini başa vurub Bakıya qayıdır. Vətənimizin aslan ürəkli övladı könüllü olaraq 1992-ci ildə Milli orduya yazılır. Ağdamda təşkil edilmiş Tank briqadasına komandir təyin edilir. Onun Tank briqadası Abdal-Gülablı kəndini özünə mövqe seçir, Papravənd, Pircamal, Aranzəmin və digər kəndlər uğrunda döyüşlər gedir. 1992-ci il avqustun 23-də Gülablıdakı çox böyük strateji əhəmiyyətli yüksəklikdən müəmmalı şəkildə onun tank briqadası çıxarılaraq Ağdərəyə, Drambon kəndinin müdafiəsinə kömək üçün göndərilir. Az vaxt içərisində Drambon kəndi erməni-rus birləşmələrinin müqaviməti qırılaraq azad edilir, ən böyük müvəfəqiyyət isə mühasirə halqasına düşmüş çox böyük sayda piyada döyüşçülərimizin mühasirə halqasından çıxarılması olur. Drambon kəndi uğrunda gedən döyüşlərdə təkbaşına qalan Şövqiyarın tankı bir neçə dəfə vurulur. Hər iki ayağından yaralanan tank komandirini Ağdam hərbi hospitalına çatdırırlar, azacıq özünə gələn kimi o yenidən cəbhəyə qayıdır. 1992-ci il avqustun 27-də çox ağır bir döyüşdə o öz yoldaşlarını əsir düşməkdən xilas edir, özü isə vətən torpağı uğrunda qəhrəmanlıq göstərərək əbədiyyətə qovuşur.

Subay idi.

Azərbaycan Respublikası prezidentinin 5 fevral 1993-cü il tarixli 457 saylı fərmanı ilə Abdullayev Şövqiyar Cəmil oğlu ölümündən sonra “Azərbaycanın Milli Qəhrəmanı” adına layiq görülmüşdür.

29 avqust 1992-ci ildə Bakının Şəhidlər xiyabanında dəfn edilmişdir.

Mənbə

Şirin Mirzəyev

admin — Wed, 13 May 2009 13:49:11 +0000

Polkovnik-leytenant Şirin Vəli oğlu Mirzəyev . Azərbaycanın Milli Qəhrəmanı. (d. 15 yanvar, 1947, Xankəndi, DQMV- – ö. 18 iyun, 1992, Ağdam)

Həyatı

ŞİRİN MİRZƏYEV

Tam Adı	Şirin Vəli oğlu Mirzəyev
Doğum Tarixi	15 yanvar, 1947
Doğum Yeri	Xankəndi, DQMV ,
Ölüm Tarixi	18 iyun, 1992
Ölüm Yeri	Ağdam
Ölüm Səbəbi	Şəhid olub

Əslən Şuşanın Mirzələr kəndindən olan Şirin Mirzəyev 1947-ci il yanvar ayının 5-də Xankəndində dünyaya göz açmışdır. Nizami adına beynəlmiləl orta məktəbi bitirdikdən sonra hərbi xidmətə yola düşmüşdür. Bir müddət Bakıda yerləşən Daxili Qoşunlar alayında xidmət etdikdən sonra 1967-ci ildə Leninqrad (indiki Sankt-Peterburq) şəhərindəki Ali Siyasi Hərbi məktəbə qəbul olmuş və 1971-ci ildə hərbi təhsilini müvəffəqiyyətlə başa vurub təyinatla İrəvana göndərilib. Beş il orada xidmət etdikdən sonra isə Bakıya qayıtmışdır. 1988-ci ildə Hərbi Siyasi Aakdemiyada təhsil alaraq, Daxili Qoşunlar alayında 15 illik xidmət yolu keçmişdir.1991-ci ildə qəlbində alovlanan Vətən məhəbbəti, vətənə xidmət arzusu onu Ağdama çəkib gətirdi. Özü də elə bir vaxtda ki, onun kimi peşəkar hərbçilərə vətənin böyük ehtiyacı var idi. 1991-ci ilin oktyabr ayında bütün maneələrə və təqiblərə baxmayaraq, polkovnik-leytenant Şirin Mirzəyev respublikamızda ilk nizami özünümüdafiə batalyonunu min bir əziyyətlə yaratdı. . Bu, o dövr üçün çox zəruri bir addım idi. Artıq 1992-ci ilin may ayında üç tabordan ibarət alay yaradıldı. Ş.Mirzəyev Ağdam rayonunun həm hərbi komissarı və həm də alay komandiri kimi məsul vəzifələri çox bacarıqla yerinə yetirirdi. 1992-ci il mart ayının 28-də Şirin Mirzəyevin və onun tərəfdarlarının səyi nəticəsində respublikada 1-ci olan tabor yaradıldı və ürəyi Vətən sevgisilə çırpınan podpolkovnik Şirin Vəli oğlu Mirzəyev Ağdam rayon ərazi özünümüdafiə taborunun komandiri seçildi. O 18 iyun 1992-ci ildə Sırxavənd istiqamətində aparılan döyüş əməliyyatı zamanı minaya düşərək həlak olub. Ölümündən sonra “Azərbaycanın Milli Qəhrəmanı” adı ilə təltif edilib. Və 1993-cü il fevral ayının 5-də Şirin Mirzəyevin şəxsi təşəbbüsü ilə yaradılmış tədris taboru ləğv edildi.

Döyüş yolu

Ş.Mirzəyevin döyüş yolu respublikada örnək ola biləcək bir yoldur. Onun sərkərdəlik qabiliyyəti nəticəsində Fərrux, Pircamal, Qazançı, Ballıqaya, Qaraşlar, Bəşirli, Sirxavənd, Ağbulaq, Dəhraz, Naxçıvanik kəndləri erməni quldurlarından azad edildi. Ağdam rayonunun 120 km-lik ərazisi müdafiə edilirdi. Artıq 1992-ci ilin may ayında üç tabordan ibarət alay yaradıldı. Ş.Mirzəyev Ağdam rayonunun həm hərbi komissarı və həm də alay komandiri kimi məsul vəzifələri çox bacarıqla yerinə yetirirdi. Əzabkeş sərkərdə Ş.Mirzəyev həmişə ön xəttə olurdu. Onun bu keyfiyyəti alayın bütün üzvlərini cəsarətləndirirdi. Mən deyərdim ki, Ş.Mirzəyevin döyüş yolu bir hərbi məktəbdir. Ş.Mirzəyev mənimçün həmişə saflıq, təmizlik, düzlük simvolu olub. İlk anlar könüllülük prinsipi ilə gələn döyüşçülər bir qədər ərköyünlük edirdilər. Ş.Mirzəyevin özünün şəxsi nümunəsi, hərbi qanunlara ciddi riayət etməsi, hər bir əsgərə fərdi qayğısı və tələbkarlığı sayəsində bütün nöqsanlar aradan qaldırıldı.

Mükafatları

Azərbaycanın Milli Qəhrəmanı

Mənbə

http://tezadlar.narod.ru/61/son.htm]

Çingiz Mustafayev

admin — Wed, 13 May 2009 13:45:43 +0000

Mustafayev Çingiz Fuad oğlu – Azərbaycanın milli qərəmanı və tanınmış jurnalist.

Həyatı

ÇİNGİZ MUSTAFAYEV

Tam Adı

Çingiz Mustafayev

Doğum Tarixi

Ölüm Tarixi

Ölüm Yeri

Çingiz Mustafayev 1960-cı il avqustun 29-da hərbçi ailəsində anadan olub. 1983-cü ildə Azərbaycan Tibb İnstitutunu bitirib. 1985-ci ildə yaratdığı “Cəngi” birliyindəki fəaliyyəti ilə Azərbaycan gənclərinin lideri səviyyəsinə yüksəlib. Bu Sovet İttifaqında başlanan yeniləşmə prosesinin Azərbaycanda təşəkkül tapan ilk yetkin təzahürü idi. Azərbaycanın mədəni-ictimai həyatında oynmağa başladığı rol Çingiz Mustafayevi islahtçı-novator lider simasında təqdim etməkdə idi.

Ermənistanın Azərbaycana qarşı Qarabağ təcavüzü başlayandan sonra Çingiz jurnalistikaya üz tutdu. O 1991-ci ildən Azərbaycan Dövlət Televiziyasında reportyor kimi çalışmağa başladı. Ancaq yalnız Azərbaycan miqyasında fəaliyyət göstərməklə kifayətlənmədi. Onun reportajları informasiya blokadasında olan Azərbaycan haqqında gerçəkliklərin Amerika və Avropanın aparıcı teleagentlikləri və televiziyalarına yol tapdı. Dövlət televiziyasında mövcud olan senzura və ciddi yasaqlar Çingiz Mustafayevi geniş fəaliyyət imkanlarından məhrum edirdi. Ona gərə də Çingiz əlahiddə olaraq 215 kl studiyası kimi muxtar qurumun yaradılmasının təşəbbüskarı və yaradıcısı oldu. Onun reportajları bir qayda olaraq cəbhədən olduğuna görə 215 kl studiyasını da tamaşaçılar məhz müharibədən məlumat verən telequrum kimi qəbul edirdilər.

Çingiz Mustafayev Azərbaycan-Ermənistan müharibəsinin 1992-ci ilə qədər olan dövrünün əsl salnaməsini yaratdı. Ölkənin döyüş gedən bütün bölgələrindən operativ xəbərlər, ayrı-ayrı əskərlər haqda xüsusi reportajlar və bütün bunlarla yanaşı Azərbaycanda gedən siyasi proseslər barədə ətraflı informasiyalar onun müəllifliyi ilə pərvəriş tapırdı. Çingiz Mustafayev Azərbaycan tamaşaçısına hər bir reportajı ilə tanış olsa da, dünya onu daha çox Xocalıda çəkdiyi filmlə tanıdı. Çingiz Mustafayevin məhz bu filmi ilə Ermənistanın imici bütün dünyada ciddi sarsıntıya məruz qaldı. O döyüş zonalarına yalnız reportyor kimi yollanmırdı. O cəbhədə bir əskər, zabit və hətta komandan kimi çox vəzifəni öz üzərinə götürürdü. Laçından çıxan əskərlərlə onun geri qayıtmaq bərədə verdiyi kəskin və qısa göstərişlər, bu əmrlərin yerinə yetirilmədiyi təqdirdə Çingizin emosional davranışı ən yeni teletarixin ən dramatik səhifələridir.

Çingiz Mustafayev bir telejurnalist olaraq cəbhədə yarandığı kimi cəbhədədə həlak oldu. 1992-ci ilin iyun ayının 15-də Ağdamın Naxçıvanik kəndində çəkiliş zamanı aldığı mərmi qəlpəsindən həlak olan Çingiz sonadək kameranı söndürmədi. Bu həm də onun öləndən sonra da yaşağacağına işarə idi.

Çingiz Mustafayev 1993-ci ildən Azərbaycanın Milli Qəhrəmanıdır.

Operator Vahid Naxışın qardaşıdır.
Ssenari müəllifi Seyfulla Mustafayevin qardaşıdır.
Fuad Mustafayevin oğludur.
Naxış Mustafayevanın oğludur.
Oğlunun adı Fuad Mustafayevdir.

Filmoqrafiya

Mənbə

Çingiz Mustafayevin bioqrafiyası

Həmçinin bax

Salatın Əsgərova

admin — Wed, 13 May 2009 13:41:37 +0000

Salatın Əziz qızı Əsgərova (1961-1991) – Jurnalist, Azərbaycan Milli Qəhrəmanı

Həyatı

SALATIN ƏSGƏROVA

Tam Adı	Salatın Əziz qızı Əsgərova
Doğum Tarixi	1961
Doğum Yeri	Bakı
Ölüm Tarixi	1991
Ölüm Yeri	Laçın Qaladərəsi
Ölüm Səbəbi	Qətlə yetirilmişdir

Əsgərova Salatın Əziz qızı 1961-ci il dekabrın 16-da Bakıda ziyalı ailəsində doğulmuşdur. 1979-cu ildə Bakı şəhəri M.Müşfiq adına 18 saylı orta məktəbi bitirmiş, elə həmin il Azərbaycan Neft və Kimya İnstitutuna daxil olmuşdur. Sonralar jurnalist kimi fəaliyyət göstərmişdir. 1991-ci il yanvarın 9-u Laçından Şuşaya yollanarkən yolun 6-cı kilometrliyindəki Qaladərəsi kəndi yaxınlığında erməni silahlı qüvvələrinin mühasirəsinə düşmüş, olduğu maşın yaxın məsafədən şiddətli atəşə tutulmuşdur. Nəticədə istedadlı jurnalist, “Molodyoj Azerbaydjana” qəzetinin əməkdaşı və ən nəhayət Azərbaycanın qeyrətli qızı Salatın Əsgərova amansızcasına qətlə yetirilmişdir.

Ailəli idi, bir oğlu var.

Azərbaycan Respublikası prezidentinin 6 noyabr 1992-ci il tarixli 294 saylı fərmanı ilə Əsgərova Salatın Əziz qızına ölümündən sonra “Azərbaycan Milli Qəhrəmanı” adı verilmişdir.

Bakı şəhərinin Şəhidlər xiyabanında dəfn edilmişdir.

Bakı şəhərində adına bir küçə var. Bakı buxtasındakı gəzinti katerlərindən biri onun adını daşıyır. Yaşadığı binaya xatirə lövhəsi vurulub. Yaxınlığında həlak olduğu kənd “Salatınkənd” adlanır.

Həmçinin Bax

Xarici keçidlər

Riad Əhmədov

admin — Wed, 13 May 2009 13:39:13 +0000

Riad Fikrət oğlu Əhmədov (1956 – 1992) – Azərbaycan Respublikası Prezidentinin 07 iyun 1992-ci il tarixli 833 saylı Fərmanı ilə Azərbaycanın Milli Qəhrəmanı adına layiq görülmüşdür.

Əhmədov Riad Fikrət oğlu 1956-cı il dekabr ayının 20-də Bakıda anadan olub. R.Əhmədov 1979-cu ildə Azərbaycan Dövlət Universitetinin hüquq fakültəsini fərqlənmə diplomu ilə bitirmişdir.

1976-1979-cu illərdə Azərbaycan SSR Ədliyyə Nazirliyi yanında Məhkəmə Ekspertizası Institutunda laborant işləyib. 1979-1980-ci illərdə həmin nazirliyin Qanun Layihələrinin Hazırlanması və Qanunvericiliyin Sistemləşdirilməsi idarəsində məsləhətçi, 1980-1981-ci illərdə isə Ədliyyə Nazirliyinin kadrlar şöbəsində baş məsləhətçi vəzifələrində çalışıb. 1981-ci ildə təhlükəsizlik orqanlarında fəaliyyətə başlayan Riad Əhmədov, 1981-1982-ci illərdə DTK-nın Minskdəki Ali Məktəbində təhsil alıb. 1984-cü ildə isə DTK-nın Y.V.Andropov adına institutu nəzdindəki kurslarda dinləyici olub.

1992-ci ildə Azərbaycan Respublikası Müdafiə Nazirliyi Kəşfiyyat İdarəsinin rəis müavini vəzifəsinə irəli çəkilmişdir. Riad Əhmədovun başçılıq etdiyi xüsusi kəşfiyyat dəstəsi Dağlıq Qarabağ uğrunda gedən döyüşlərdə düşmənin xeyli canlı qüvvəsini və hərbi texnikasını məhv etmişdir.

R.Əhmədov 1992-ci il yanvar ayının 25-də «Daşaltı əməliyyatı»nın gedişində itkin düşmüşdür.

Ramiz Qəmbərov

admin — Wed, 13 May 2009 13:37:36 +0000

Ramiz Bulud Qəmbərov – Şuşa özünümüdafiə batalyonunun komandiri, Qarabağ müharibəsi döyüşçüsü, Azərbaycanın Milli Qəhrəmanı

Həyatı

RAMİZ QƏMBƏROV

Tam Adı	Ramiz Bulud oğlu Qəmbərov
Doğum Tarixi	02 iyun, 1962
Doğum Yeri	Şuşa, şəhəri
Ölüm Tarixi	30 aprel, 1992
Ölüm Yeri	Şuşa
Ölüm Səbəbi	Şəhid olub

Ramiz Bulud Qəmbərov 2 iyul 1962-ci ildə Şuşa şəhərində doğulmuşdur. 1979-cu ildə H.Hacıyev adına Şuşa şəhər orta məktəbini bitirmişdir. 1980-ci ildə hərbi xidmətə çağırılır və 1982-ci ildə ordudan tərxis olunaraq Şuşaya qayıdır. 1986-cı ildə Azərbaycan İnşaat Mühəndisləri İnstituna daxil olur. Amma təhsilini başa çatdıra bilməmişdi. Çünki ermənilər yenidən haqq-ədaləti, yaxşılıqları unutmuşdular. Həmin ərəfədə Şuşanı canı qədər sevən, uzun müddət orada rəhbər vəzifələrdə çalışan mərhum Mikayıl Gözəlov bizi Ramizlə tanış edəndə demişdi: “Kaş belə oğullarımız çox olaydı”. Ermənilərin yaratdığı qarşıdurmanın ilk günlərindən başlayaraq Şuşanın da səmasını düşmən fəsadlarının tüstü-dumanı bürümüşdü. Uşaqdan-böyüyə hamı dincliyini unutmuşdu. Ancaq onların güvəndiyi hünərli oğullar da vardı. Əliş Mahmudov, Ramiz Qənbərov və bir çox başqaları doğma yurd yerlərinin keşiyində, sakinlərin müdafiəsində inamla dayanırdılar. Ramiz 1988-ci illərdə Xalq Hərəkatına qoşulur. Ramiz Qənbərov ermənilərin ata-babalarımızdan qalan torpaqlarımıza təcavüzü ilə heç cür barışa bilmirdi buna görə də o 1992-ci ildə könüllü özünümüdafiə batalyonu yaradır və bu batalyonun başçısı olur. Onun taboru Şuşa şəhərinin, Kərkicahan, Kosalar, Nəbilər, Qaybalı, Malıbəyli, Quşçular, Göytala kəndlərinin müdafiəsində mərdliklə vuruşmuşdur. 29 aprel 1992-ci ildə erməni işğalçıları Kosalar və Kərkicahan kəndləri yaxınlığındakı postlara hücum edirlər, köməyə gələn Ramiz Qəmbərovun taboru döyüşə atılır, düşmən xeyli itki versə də, geri çəkilmək bilmirdi bu döyüşdə cəsur komandir ağır yaralandı…bir gün sonra 30 aprel 1992-ci ildə o gözlərini əbədi yumdu.Azərbaycan Respublikası prezidentinin 7 iyun 1992-ci il tarixli 833 saylı fərmanı ilə Qənbərov Ramiz Bulud oğlu ölümündən sonra “Azərbaycanın Milli Qəhrəmanı” adına layiq görülmüşdür.Şuşa şəhərində dəfn edilib.Bakı şəhərindəki küçələrdən biri qəhrəmanımızın adını daşıyır.

Nurəddin İbrahimov

admin — Wed, 13 May 2009 13:34:05 +0000

Nurəddin İslam oğlu İbrahimov (1951-1995) – Azərbaycan Milli Qəhrəmanı

Həyatı

NURƏDDİN İBRAHİMOV

Tam Adı	Nurəddin İslam oğlu İbrahimov
Doğum Tarixi	1951
Doğum Yeri	Bakı
Ölüm Tarixi	1995
Ölüm Yeri	Bakı Binə
Ölüm Səbəbi	Qətlə yetirilmişdir

İbrahimov Nurəddin İslam oğlu 1951-ci il mart ayının 16-da Bakı şəhərində doğulmuşdur. 1969-cu ildə burada 125 saylı orta məktəbi bitirmişdir. 1970-ci ildə ordu sıralarına çağırılmışdır. 1978-ci ildə Rusiyanın İrkutsk şəhərinin milis idarəsində işə qəbul olunmuşdur. 1988-ci ildə burada İrkutsk şəhər cinayət axtarış şöbəsinin rəisi vəzifəsinə təyin edilmişdir. Azərbaycanda baş verən hadisələrə biganə qalmayan Nurəddin 1990-cı ildə Bakıya gəlmiş, sonra isə Laçın rayon milis idarəsində sahə müvəkkili işləməyə başlamışdır.

O, Qarabağ uğrunda gedən döyüşlərdə fəal iştirak etmiş, bu döyüşlərin birində ağır yaralanmışdır. Müalicə olunandan sonra Bakının Əzizbəyov rayonunun polis idarəsində işini davam etdirmişdir. Buna baxmayaraq o, yenə də tez-tez cəbhəyə yollanmış, qızğın döyüşlərə girmişdir. 1993-cü ildə Kosalar kəndi və Cəbrayıl rayonları uğrunda gedən döyüşlərdə əsl qəhrəmanlıq göstərmiş və mayor rütbəsi almışdır. Nurəddin 10 fevral 1995-ci il Binə qəsəbəsindəki cinayətkar dəstənin zərərsizləşdirilməsi zamanı xüsusi fərqlənmiş və qəhrəmancasına həlak olmuşdur.

Aliləli idi, bir övladı var.

Azərbaycan Respublikası prezidentinin 26 dekabr 1995-ci il tarixli 424 saylı fərmanı ilə ölümündən sonra “Azərbaycan Milli Qəhrəmanı” adına layiq görülmüşdür.

Bakı şəhərinin Buzovna qəsəbəsinin qəbristanlığında dəfn edilmişdir. Buzovna qəsəbəsində onun adına küçə var. Buradakı Mədəniyyət evi də onun adını daşıyır. Qəsəbədə büstü qoyulub.