Az-Wikipedia - Azərbaycan Ensiklopediyası » İspaniya yazıçıları

Visente Blasko İbanyes

admin — Sat, 09 May 2009 09:48:17 +0000

Visente Blasko İbanyes (29 yanvar, 1867, Valensiya-28 yanvar, 1928, Mentona, Fransa) ispan yazıçısı. “Apokalipsisin dörd atlısı” (1916), “Bizim dəniz” (1918) romanlarında Birinci dünya müharibəsi təsvir edilir. Bəzi hekayələri (“Qatar tüfeylisi”, “Dənizdə” və s.) Azərbaycan dilinə tərcümə olunmuşdur. Valensiya əsərləri arasında “Xutor” və “Kurtizanka Sonnika”-dır. “Qan və qum” romanında matadorun həyatı və eşqi təsvir edilir.

Xose Eçegeray-i-Eysagirre

admin — Sat, 09 May 2009 09:46:29 +0000

Xose Eçegeray-i-Eysagirre (isp. José Echegaray y Eizaguirre; 19 aprel 1832, Madrid — 14 sentyabr 1916, Madrid) — ispan dramaturqu, 1904-cü il Nobel Ədəbiyyat Mükafatı laureatı.

Həyatı

XOSE EÇEGERAY-İ-EYSAGİRRE
Xose Eçegeray
Doğum Tarixi	19 aprel 1832
Doğum Yeri	Madrid, İspaniya
Ölüm Tarixi	14 sentyabr 1916
Ölüm Yeri	Madrid, İspaniya

Xose Eçegeray Madriddə bask ailesində dünyaya göz açıb. Onun 3 yaşı olduqda valideynləri Mavritaniya krallığının Mursiya əyalətinə köçürlər.

Uşaqlıqdan güclü istedada malik olan gələcəyin dramaturqu 14 yaşında Mursiya Universitetində fəlsəfə üzrə bakalavr dərəcəsi alır. Bundan sonra Madridə qayıdan Eçegeray riyaziyyatla məşğul olmağa başlayır. Bir neçə il mühəndis işlədikdən sonra o, texniki liseydə riyaziyyat dərsi deyir. Həm tətbiqi, həm də nəzəri riyaziyyat tədris edən Eçegeray zəmanəsinin ən yaxşı riyaziyyatçılarından hesab olunurdu.

Əmək fəaliyyəti

1868-ci ildə II İzabellanın devrilməsindən sonra Eçegeray İctimai İşlər naziri, sonra isə Ticarət naziri təyin olunur. 1869-cu ildə Kortesə seçilir. Bundan sonra Maliyyə naziri postunu tutur. İlk İspaniya bankını yaradır. 1874-cü ildə Burbonların bərpasından sonra Parisə mühacirət edir.

Yaradıcılığı

1863-cü ildə kiçik qardaşı E.Migel “Oraq və çəkic” əsərini yazıb tamaşaya qoyduqdan sonra onda da pyes yazmağa həvəs yaranır.

1875-ci ildə Parisdən Madridə qayıdan Eçegeray ilk “Çek kitabçası” adlı əsərini yazır.

Dramaturq yazdığı 60 pyesin yarısını şeir üslubunda yazmışdır. “Qisasçının arvadı” ən yaxşı əsərlərindən sayılır. Sonrakı “Ağılsızlıq, yoxsa müqəddəslik” pyesi ingilis dilinə tərcümə olunduqdan sonra, dramaturq dünyada tanınmağa başlayır. Onun ən məşhur əsəri “Böyük Qalioto” adlanır.

1904-cü ildə Eçegeray Frederik Mistralla birgə “İspan dram ənənəsinin inkişaf etdirilməsində xidmətə görə” Ədəbiyyat üzrə Nobel Mükafatına layiq görülür. Lakin yazıçı mükafatın təqdim olunduğu təntənəli mərasimdə iştirak etmir.

Xose Eçegeray 14 sentyabr 1916-cı ildə Madriddə vəfat etmişdir.

Ədəbiyyat

O Locura o Santidad, Drama en Tres Actos y en Drosa. Madrid, 1877;
Shay F. (ed.), Twenty-five Short Plays, 1925;
L.A. Modern Spanish Literature, 1929.

Xasinto Benavente-i-Martines

admin — Sat, 09 May 2009 09:43:53 +0000

Həyatı

Xasinto Benavente-i-Martines (ispanca Jacinto Benavente Martínez) (12 avqust, 1866 – 14 iyul, 1954) — “98-ci illər nəsli” ispan dramaturqu, 1922-ci il ədəbiyyat üzrə Nobel mükafatı laureatı (bu mükafata ispan dramının ənənələrini böyük ustalıqla yaşatdığına görə layiq görülüb).

Əsərləri

Rosas de otoño (1905).
Los Intereses creados (1907).
Señora ama (1908).
El Nietecito (1910).
La malquerida (1913).
La ciudad alegre y confiada (1916).
Campo de armiño (1916).
Lecciones de buen amor (1924).
La mariposa que voló sobre el mar (1926).
Pepa Doncel (1928).
Vidas cruzadas (1929).
Aves y pájaros (1940).
La honradez de la cerradura (1942).
La infanzona (1945).
Titania (1946).
La infanzona (1947).
Abdicación (1948).
Ha llegado Don Juan (1952).
El alfiler en la boca (1954).