Sülli-Prüdom Bonapart liseyində qədim dilləri öyrənib və [...]]]> Rene Sülli-Prüdom (fransızca Sully-Prudhomme) (əsl adı Rene Fransua Arman Prüdom, fransızca René François Armand Prudhomme; 16 mart 1839 – 7 sentyabr 1907, Şatene Malabri) – fransız şairi, “Parnas” qrupunun üzvü, Ədəbiyyat üzrə ilk Nobel mükafatı laureatı (1901).

Həyatı

SÜLLİ-PRÜDOM
Tam Adı	Rene Fransua Arman Prüdom
Doğum Tarixi	16 mart 1839
Doğum Yeri	Fransa
Ölüm Tarixi	7 sentyabr 1907
Ölüm Yeri	Fransa

Sülli-Prüdom Bonapart liseyində qədim dilləri öyrənib və 1856-cı ildə bakalavr dərəcəsi alıb. Bundan sonra Krezo zavodlarından birində işə düzəlib. Amma bir müddət sonra o bu işini tərk edib və Parisə qayıdıb. Burada notarial hüququ öyrənib. İlk şeirlər kitabı olan “Stances et Poémes” (1865) hamı tərəfindən böyük rəğbətlə qarşılanıb. Bundan sonra özünü bütünlüklə ədəbiyyata həsr edib. 1869-cu ildə onun tərcümə etdiyi və ön söz yazdığı “Le premier livre de Lucrèce” kitabı, elə həmin il də “Les Solitudes” toplusu işıq üzü görüb.

Prüdom Franko-Prussiya müharibəsinin iştirakçısı və Dreyfusun fəal tərəfdarlarından olmuşdur. 1881-ci ildə Fransa Akademiyasına üzv seçilmiş, 1901-ci ildə Nobel mükafatı almışdır. İsveç Akademiyasının onu seçdiyi xəbəri dünyada birmənalı qarşılanmayıb: çoxları belə hesab edirmişlər ki, ilk mükafat daha möhtəşəm yazıçıya, məsələn Lev Tolstoya təqdim ediləcək. Bir qrup isveç yazıçısı (o cümlədən bu mükafatın gələcək laureatı Selma Laqerlöf) açıq məktub yazaraq Akademiyanın qərarına etiraz etmişlər və Tolstoyun namizədliyini müdafiə etdiklərini bildirmişlər. Bundan sonra təbii ki, Prüdomu çoxları dörd bir yandan tənqid atəşinə tutmuşlar.

Əsərləri

• 1. “Les Solitudes” (1869)
• 2. “Poésies (Les Épreuves, Les Écuries d’Augias. Croquis Italiens…”) (1872)
• 3. “Impressions de la guerre” (1872)
• 4. “Les Destins” (Talelər) (1872), fəlsəfi poema
• 5. “La Révolte des fleurs” (1874)
• 6. “La France” (1874)
• 7. “Les Vaines tendresses” (Əbəs incəlik) (1875), Şeirlər toplusu
• 8. “La Justice” (Ədalət) (1878)
• 9. “L’Expression dans les beaux-arts” (Oeuvres. Prose. 1883)
• 10. “Le Prisme” (1886)
• 11.”Le Bonheur” (Xoşbəxtlik) (1888), fəlsəfi poema
• 12.”Réflexions sur l’art des vers” (1892)
• 13.”Les Solitudes” (ikinci nəşr, 1894)
• 14.”Oeuvres de prose” (1898)
• 15.”Sully Prudhomme à Alfred de Vigny Sonnets” (1898)
• 16.”Testament poétique” (Poetik vəsiyyət) (1901)