Azercell Fakturalı Xətt

admin — Wed, 15 Jul 2009 10:07:28 +0000

Azercell Fakturalı Xətt — sonradanödəmə (abunəlik) sistemi üzərində qurulmuş ödəmə üsuludur. Abonentlər istifadə etdikləri rabitə xidmətinin haqqını təqdim edilmiş hesabat əsasında ödəyirlər.

Azercell Fakturalı Xətt ödəmə üsulunun Ekonom, Standart, Biznes və Optimist tarif paketləri mövcuddur.

Azercell Fakturalı Xətt sisteminə qoşulan abonentlər aylıq abonentlik haqqı ödəyir, onlar şəbəkədaxili istifadə üçün pulsuz danışıq vaxtı və SMS-lər alırlar. (Optimist tarif paketi istisna olmaqla).

Ekonom, Standart, Biznes və Optimist tarif paketinə keçmək üçün müvafiq olaraq Ekonom, Standart, Biznes, Optimist sözlərini SMS vasitəsilə 650 nömrəsinə göndərin. Tarif paketi istək qəbul olunandan sonra növbəti fakturalama prosesindən sonra dəyişdirilir.

Azərbaycan daxilində zənglər

Paketin adı	Aylıq abonentlik haqqı, AZN	Aylıq hədiyyə	Azercell şəbəkəsində zənglər, AZN	Digər yerli şəbəkəyə zənglər, AZN
Ekonom	4,92	10 dəq. danışıq vaxtı; 25 SMS	0,14	0,25
Standart	9,84	25 dəq. danışıq vaxtı; 50 SMS	0,10	0,25
Biznes	19,68	50 dəq. danışıq vaxtı; 100 SMS	0,10	0,20
Optimist	yoxdur	–	0-60 dəq. danışıq üçün 0,15, 61-120 dəq. danışıq üçün 0,12, 121-180 dəq. danışıq üçün 0,10, 181-qeyri məhdud dəq. danışıq üçün 0,08	0,25

Ekonom, Standart, Biznes tarif paketlərinin tətbiq qaydaları

0:00-8:00 saatları arasında şəbəkə daxilində edilən zənglərə 50% endirim tətbiq edilir.
Saat 8:00:00-dan əvvəl baslayıb, 8:00:00-dan sonra bitən şəbəkədaxili zənglərə uzunluğundan asılı olmayaraq 50% endirim tətbiq olunur.
Saat 0:00:00-dan əvvəl baslayıb, 0:00:00-dan sonra bitən şəbəkədaxili zənglər uzunluğundan asılı olmayaraq adi qaydada hesablanır.
Pulsuz danışıq vaxtı və SMS-lərin istifadə müddəti 1 aydır. Ay ərzində istifadə olunmayan danışıq vaxtı və SMS-lər növbəti ayda təqdim olunan vaxt və SMS-lərin üzərinə əlavə olunmayacaq.

Pulsuz danışıq vaxtı və SMS-ləri yalnız Azercell şəbəkəsi daxilində edilən zəng və SMS-lərə istifadə etmək olar.

Optimist tarif paketinin tətbiq qaydaları

Optimist tarif paketində hər bir zaman intervalının yuxarıda göstərilən ilk və son dəqiqə limiti həmin intervala aiddir (misal üçün, «61-120» intervalında abonentin ay ərzində etdiyi 61-ci dəqiqə və 120-ci dəqiqələri 0,12 AZN tarifi ilə hesablanır). Hesablaşma 1 saniyə üçün aparılır. Zaman intervalları abonentin fakturalama dövrü ərzində etdiyi şəbəkədaxili zənglərin müddətinin cəminə əsasən müəyyən edilir.

Optimist tarif paketi abonentinin ay ərzində danışıq haqqı 1,90 AZN məbləğini keçməzsə, abonentdən əlavə ƏDV xaric 2 AZN haqq alınır.

Pik və qeyri-pik saat fərqləndirməsi mövcud deyil. Optimist tarif paketində cədvəldə qeyd olunmayan digər istiqamətlərdə danışıq tarifləri və xidmətlərdən istifadə haqqı Standart tarif paketi ilə eynidir.

Beynəlxalq zənglər

Beynəlxalq zənglər Azercell Fakturalı Xətt sisteminin – Ekonom, Standart, Biznes və Optimist tarif paketləri üçün eyni hesablanır.

Zəngin növü	Zəngin istiqaməti	Pik saatlarında edilən zəngin qiyməti	Qeyri-pik saatlarında edilən zəngin qiyməti
Adi zənglər	MDB və Baltikyanı ölkələr	0,41 AZN / 1 dəq	0,31 AZN / 1 dəq
	Iran, Türkiyə	0,48 AZN / 1 dəq	0,36 AZN / 1 dəq
	Avropa, Amerika və digər ölkələr	0,56 AZN / 1 dəq	0,42 AZN / 1 dəq
	IP telefoniya vasitəsilə
MDB və Baltikyanı ölkələr		0,31 AZN / 1 dəq
Iran		0,36 AZN / 1 dəq
Avropa, Amerika və digər ölkələr		0,42 AZN / 1 dəq
Digər	Thuraya, Emsat, Inmarsat operatorları	3,54 AZN / 6 san

Eksklüziv endirim zonası

“Azercell Telekom” şirkəti növbəti bir ilkə imza ataraq Azərbaycanda ilk dəfə olaraq “Ekskyüziv endirim zonası” endirim kampaniyasını həyata keçirdi və çoxsaylı istəklər əsasında bu kampaniyanın müddətsiz olmasına qərar verdi.

İndi istənilən vaxt Azercell abonentləri Heydər Əliyev adına Beynəlxalq Hava Limanının ərazisində (AEROP1,AEROP2,AEROP3,ARIND1 radio-baza stansiyaları ərazisində) ölkədaxili tariflərlə dünyanın hər bir istiqamətində zənglər etmək imkanı əldə edir.

Əsas məqsəd Azərbaycanın hava məkanından giriş-çıxışı olan limanının ərazisində Azercell abonentlərinə daha rahat və intensiv ünsiyyətdə olması üçün sərfəli şərait yaratmaqdır.

Hava limanından “Azercell” abonentinin etdiyi zəng (peyk operatorları xaric) onun tarif paketinə uyğun, adi ölkədaxili – şəbəkə xarici zəng kimi qiymətləndiriləcək.