|
|
Əqrəb bürcündə doğulan insanlarda amansızlıq, tündməcazlıq və bir qədər də kobudluq olur
Yola saldığımız Tərəzi bürcünə nisbətən, 24 oktyabrdan start götürən “Əqrəb” daha fəal və daha obyektiv keyfiyyətlərə malikdir. Onun Yer iqliminə maksimal dərəcədə təsir etmək gücü var. Təbiətdə baş verən kəskin dəyişikliklər məhz bu zodiakın payına düşür. Yadda saxlamaq lazımdır ki, heç bir bürcdə “Əqrəb”in əhatə etdiyi dövrdəki qədər yağış və külək olmur.
Bu bürcün ünsürü su, planeti Mars və Pluton, düşərli günü çərşənbə axşamı, düşərsiz günü bazar ertəsi, cümə, uğurlu rəngi sarı, tünd-qırmızı, al və moruğu, uğursuz rəngi boz, metalı dəmir və polad, uğurlu daşı akvamarin, rubin, Ay bülluru, topaz, enerji verən çiçəyi qərənfil, pion və xirozentema, uğurlu rəqəmi 4, 5, 8, 9, 10, 66, müxalif bürcü Buğa, talismanı əqrəb, ölüm işarəsi, şanslı ölkələri isə Almaniyanın Bavariya və Saksoniya hissəsi, Norveç, Əlcəzair, İsveç, Mərakeş və Seylondur.
Bu zodiak işarəsi altında dünyaya gələn adamlar öz xüsusiyyətlərinə görə, iki sinfə bölünürlər: mistiklər və materialistlər. Birincilər hər şeyi ilahiyyatla bağlayır, ikincilər isə əsasən, fağır və sakit görünsələr də, öz məqsədləri uğrunda hər şeyə gedirlər. Hətta onlar süst və sıxıntı içində yaşasalar da, özlərinin şəxsi maraqları xatirinə buna dözürlər. “Əqrəb”lər daim narahatlıq hissi keçirən adamlardır. Bu işarə altında dünyaya gələnlər çatışmaz hərəkətlərini, o cümlədən hiyləgərliklərini çox ustalıqla gizlədə bilirlər. Onların nə istədiyini, hansı addımı atacaqlarını özləri deməsə, təyin etmək çətin olur. Yəqin elə bu səbəbdən də orta əsrlərdə “Əqrəb”ləri “əsl sifətini maska altında gizlədən adam” adlandırırdılar.
Əqrəb bürcündə doğulanlar ətraflarında baş verən hadisələrdən tez nəticə çıxarır və özləri üçün ölçü götürməyi ustalıqla bacarırlar. Belələri ətrafda baş verən hadisələri taraz saxlamağa çalışan, xaraktercə qapalı və küskün adamlardır. Onların psixoloji dəyanəti və bol enerjisi imkan verir ki, dağı dağ üstünə qoysunlar. Buna baxmayaraq, “Əqrəb”lərin çatışmazlaqları da kifayət qədərdir. Belə ki, onların məsuliyyətsiz addımları ucbatından nəinki özləri, hətta ətrafındakılar da zaman-zaman əziyyət çəkirlər. Hisslərə qarşı həssas olan bu adamlara qarşı xəyanət olunarsa, stressdən ölə də bilərlər. Onların yaddaşı yalnız 30-35 yaşa qədər normal olur. Sonrakı dövrlərdəsə bəzən yarım saat əvvəl gördükləri işlər də yadlarından çıxır. Bu zodiakın xarakteri çox zəngindir. Belə ki, belələrində yüksək enerji, diribaşlıq, güc və diqqəti cəlb etmək bacarığı var. Amma onların amansızlığı, tündməcazlığı və bir qədər kobudluğu da olur.
Bu şəxslər böyük enerjiyə malikdirlər. Digərləri ilə müqayisədə daha məhsuldar çalışırlar. Lakin başlanmış işi axıra çatdırmadan, nəticəni görmədən işi məhv etmək də onlara xas bir şeydir. “Əqrəb”lərdə psixiatr və cərrah, həmçinin hərbçi olmaq istedadı var. Onlar özlərinə qarşı səxavətli, digərlərinə qarşı xəsisdirlər. Həmişə özlərinə qarşı tələbkar olurlar. Bu adamlar hər zaman hədiyyələri qəbul edir, lakin eyni qaydada hərəkət etməyi – kiməsə hədiyyə almağı ağıllarına belə gətirmirlər. Pul onlar üçün hakimiyyət və nüfuz rəmzidir. Məhz buna görə “Əqrəb”lər pulu çox sevirlər.
Karmik astrologiyada “Əqrəb” daima özünü və ətraf mühiti dəyişən, daxilənsə çox emosional şəxsiyyət kimi izah olunur. Onun içində güclü emosiyalarla müşaiyət olunan psixi dəyişikliklər baş verir. Lakin çox qapalı olduğundan bütün bunları hiss etdirmir. “Əqrəb”lərin hamısı qapalıdır, bu səbəbdən də az qala heç kəs onların daxili aləmindən, emosiyalarından, özünə hörmət və ləyaqət hisslərinin mahiyyətindən xəbər tutmur. Belələrinin gözəl ixtiraçılıq qabiliyyəti var və bacarıqlarından yararlanıb insanları idarə edə bilirlər. Amma onlar bütün bunları özləri üçün edirlər, yoxsa başqası üçün – bilinmir. “Əqrəb”lərin etikasının əsas xətti də məhz budur. Danılmaz bir həqiqət də var ki, şəxsi maraq güdən “Əqrəb” çox asanlıqla məhrumiyyətlərə uğrayır. Karma dərəcəsinə görə, Ali Əqrəb hər cür şərdən uzaq olan fərddir. O, şərdən birbaşa Tanrı tərəfindən qorunur. Bu insanın ətrafında güclü magik sahə yaranır ki, bu sahəyə düşən ən pis adam belə günahlarını etiraf etmək, tövbə etmək istəyir. Bu zaman insan qəfil həyata daha ciddi yanaşmağa, həqiqətpərəst olmağa, xeyirxahlığa doğru güclü impuls hiss edir.
“Əqrəb”lər həm də şəri neytrallaşdırıb yerində xeyir cücərtmək istəyirlər.
Müasir astrologiyada bu adamların mənfi xüsusiyyətləri geniş şəkildə izah olunur. Qeyd olunur ki, öz ambisiyalarına nail olmaq üçün həmişə vəzifəyə can atan “Əqrəb”lərlə daimi ünsiyyət qurmaqdan çəkinmək lazımdır. Çünki hücum üçün onların silahları həmişə hazır vəziyyətdə olur. Zahiri görünüşdən çox cəlbedici, gözəl olmalarına baxmayaraq, qadın-Əqrəblər əsl cadugər olurlar. Onlar ağlasığmaz, qeyri-adi hərəkətlər törətməkdə mahirdirlər. Əgər avtomobil sürücüsü yolu keçən qoca piyadanı vurubsa, siz əmin ola bilərsiniz ki, bu sürücü Əqrəb bürcündədir.
“Əqrəb”lər özlərindən başqa heç kəsə inanmır, mühüm işlərin həllində kənardan kiminsə kömək edəcəyinə bel bağlamırlar. Heç vaxt cəfəng şeylərə baş qoşmur, boş xülyalarla yaşamırlar. Əgər övladlarınızdan bu bürcdə doğulanı varsa, onların müstəqilliyinə mane olmayın. Onsuz da onları öz yollarından döndərə bilməyəcəksiniz. Yüz illərin təcrübəsi göstərir ki, “Əqrəb”lərin bədbəxt olmasının əsas səbəbkarı məhz onların valideynləri olur. Bu səbəbdən də bəri başdan ciddi ölçü götürməyə dəyər.
Magiyaya ən yaxın ünsür Su, ən yaxın bürcsə Əqrəbdir. Onlar elə doğulduqları andan özlərində böyük magik enerji daşıyırlar. Buna görə də bu bürcün sakinləri öz enerjilərindən istifadə etməyi öyrənməlidirlər. Əks halda, ətraf mühit üçün böyük təhlükə törədə bilərlər. “Əqrəb”lər öz düşmənlərinə qarşı cadu, tilsim etməkdən çəkinməlidirlər. Onsuz da fövqəltəbii üsullarla onlara zərər yetirmək istəyən insanların bütün cəhədləri boşa çıxa, bəzən hətta özlərinə qarşı yönələ bilər. Magiyada “Əqrəb”lər o qədər güclüdürlər ki, onlara qarşı ehtiyatlı olmaq məsləhət görülür. Bundan başqa, onlar çox seksual və cəlbedici olur, öz ehtirasları ilə hər bir istəyə çatırlar. Lakin onlar öz bacarıqlarından çox istifadə etməli deyillər. Ümumiyyətlə, barəsində danışdığımız şəxslər peyğəmbərlik etməyi xoşlayırlar, lakin onların heç də hər məsləhətinə əməl etmək lazım deyil.
Antik dövrün münəccimləri “Əqrəb”ləri üç qismə bölürdülər: özünü sancan; həm özünü, həm başqasını sancan; yalnız başqalarını sancan. Onlar öz müsahiblərinin zəif yerini asanlıqla tutduqları üçün bəzən ciddi düşmənlər də qazanırlar.
“Əqrəb”lərin bioenergetik sahəsi də digər bürclərdən kəskin surətdə fərqlənir. “Qoç”da baş, “Şir”də ürək, “Balıqlar”da ayaq nahiyəsi olduğu halda, haqqında yazdığımız bürcdə həmin orqan yumurtalıqlara və cinsiyyət üzvlərinə düşür. Bu, daha çox ehtiras simvolu olan Marsın himayəçilik etməsilə bağlıdır.
“Əqrəb”lər hələ kiçik yaşlarından idmana, xüsusən də güləşə və yüngül atletikaya meylli olurlar. Amma bu sahədə şöhrət zirvəsinə nadir hallarda yetişirlər. Çünki ailə qayğıları, şəxsi problemləri həmişə onların arzularına sipər çəkir. Onlar fiziki cəhətdən güclü olduqlarından qan-damar sisteminin fəaliyyəti qənaətbəxş olur. Amma idmandan əl çəkən kimi orqanizmlərində – əsasən də böyrəklərində kəskin duzlaşma yaranır, sidik ifrazatında çətinlik çəkirlər.
Əqrəb bürcündən olan adamlar əksər hallarda balaca boya, cəldliyə və qaynayan gözlərə malik olurlar. Belələri heç vaxt yanılmırlar. Hətta dilucu və ya yersiz sözlərini də hansı məqsədlə dediklərini yaxşı bilirlər. Onları aldatmaq çətin və sadəcə olaraq mümkün deyil. Əgər “Əqrəb” müsahibinizə yalan satıb ürəyinizdə “aldatdım” deyə düşünürsünüzsə, yanılırsınız. Çünki belə adamlar üzdə sizə inanan kimi görünsələr də, əslində yalan danışdığınızı sizdən də yaxşı bilirlər. Yəqin ki, “çoxbilmişlikdən balaca qalıb” qədim el məsəlini də məhz Əqrəb işarəsi altında doğulanlara şamil ediblər.
Əqrəb bürcü altında doğulan adamlar heç də başqaları kimi ən müxtəlif sahələrdə çalışmağı bacarmırlar. Amma onlarda bir müsbət keyfiyyət var ki, əgər fikirlərinə bir şey salıblarsa, mütləq axıra qədər gedirlər. Məsələn, əgər onlar həkim olmaq istəyirlərsə, nə valideynləri, nə dostları, nə də yaşadıqları mühit bu yolda sədd ola bilməz.
Orta əsrlərdə “Əqrəb”lərə diaqnostika həkimi, cərrah, müəllim, məhkəmə işçisi olmağı məsləhət görürdülər. Bununla yanaşı, sərkərdə, fəal mafiya üzvü, detektiv, psixoloq, siyasi xadim və başqa peşə sahibləri də yetişir.
Müəllif : Səbuhi rəhimli
Bu bürc altında doğulanlar magik təsirə məruz qalmır və bədnəzərdən uzaqdırlar
Oğlaq bürcü özündən əvvəl gələn “Oxatan”dan kəskin surətdə fərqlənir. Qışın gəlişinə təsadüf edən Oğlaq işarəsi başqa bölgələrdən fərqli olaraq, yaşadığımız məmləkət üçün xüsusi əhəmiyyət kəsb edir. Belə ki, əsrlərdən bəri olunan müşahidələrə görə, məmləkətimizdə birinci qar az qala hər il bu bürcün ərəfəsinə düşür. Orta əsr münəccimləri “qışın oğlan çağı”na düşən, insanları üşüdən, onların fəaliyyətinə mane olan “Oğlaq”ı pis qələmə verir, bu işarə altında doğulanları isə soyuqqəlbli və yalnız özləri üçün yaşayan adam hesab edirdilər.
Bu bürc öz qeyri-adiliyi ilə fərqlənir. Belə ki, “Oxatan” dövründə nisbi sakitlik və münasibətlərdə mülayimlik bərqərar olursa, Oğlaq bürcünün Göy qübbəsinə hakimlik etdiyi ərəfədə yenidən “alovlar püskürür”. Bununsa bir neçə incə səbəbi var. Əvvəla ona görə ki, bu “soyuq” Zodiak insanlarda ilk növbədə səbrsizlik, müsahiblərlə razılaşmamaq, ailə zəminində qanqaraldıcı hadisələr vəd edir. Üstəlik, bu bürc mövcud olduğu dövrdə siyasi çəkişmələr, cəmiyyətdə gedən proseslərdə gərginlik, o cümlədən, sosial partlayışlar da baş verir. Bu səbəbdən də sözügedən “təhlükəli” bürcün əhatəsində ehtiyatlılığı maksimal həddə çatdırmaq lazımdır.
Antik, o cümlədən orta əsrlər astrologiyasının məlumatına görə, Oğlaq bürcünün əhatə etdiyi bir aylıq müddətdə (təxminən 30 gün) daha çox aldadıb tələyə salma, şərləmə, qarayaxma, oğurluq kimi xoşagəlməz hallar müşahidə edilir. Hətta bu baxımdan nahaq qan tökülməsi də istisna deyil. Tarix boyu günahsız qırğınların böyük əksəriyyəti də məhz Oğlaq bürcünə təsadüf edir. Bu baxımdan tarixə “Qanlı bazar günü”, “20 Yanvar faciəsi” kimi daxil olan hadisələri, eləcə də 1991-ci ildə Baltikyanı respublikalarda törədilən qırğınları sadalamaq kifayətdir.
Ulduzlar sistemində 10-cu yeri tutan bu bürc bir qayda olaraq dekabrın 22-dən yanvarın 20-nə qədər davam edir. Ünsürü torpaq, planeti Saturn, düşərli günü çərşənbə axşamı, şənbə, düşərsiz günü bazar ertəsi, cümə axşamı, metalı dəmir, uğurlu rəngi tünd-yaşıl, qara, göy, uğursuz rəngi ağ, uğurlu daşı rubin, oniks, enerji verən çiçəyi ağ qərənfil, qara lalə, uğurlu rəqəmi isə 3 və 5-dir.
Oğlaq bürcünü əmələ gətirən ulduzlar Göy qübbəsinin təxminən 400 kvadrat dərəcəlik sahəsini tutur. Onun tərkibinə adi gözlə görünən 50-yə yaxın ulduz daxildir. Astronomik sırada 5-ci yer tutan Saturn Roma allahı Saturnun şərəfinə belə adlandırılıb. Astrologiyanın yarandığı ilk dövrlərdə bu planeti yeraltı aləmin hakimi hesab edir, onun himayəsinə daxil olan adamlara qazıntıda, şaxtada işləməyi məsləhət görürdülər. Antik dövrün münəccimləri Saturnu “Qəmli xatirələr planeti” adlandırırdılar. Onun radiusu 60100 km, elementi torpaq, tərkibi soyuqluq, xatakteri isə şöhrətpərəstlikdir.
Haqqında yazdığımız Zodiak işarəsi altında dünyaya gələn adamların olduqca əzablı taleyi olur. Hələ erkən yaşlarında gələcək həyatını proqramlaşdıran “Oğlaq”lar nadir hallarda istədikləri ömrü yaşaya bilirlər. Roma İmperiyası dövründə yaşayan məşhur astroloq Arbitr Petronin bu bürc haqqında olduqca dəqiq proqnoz verirdi. Belə ki, onun qələmə aldığı “Satirikon” kitabında “Oğlaq” barədə belə bir ifadə işlənir: “Oğlaq bürcü altında doğulanların dərd əlindən buynuzları çıxır”. Bu məlumat məcazi mənada işlənilsə də, müəllif onun izahını ustalıqla verir. Petronin əsaslandırır ki, bu bürcün sakinləri yaşadıqları ömürdə, xüsusən də, 35 yaşına qədər hədsiz təzyiq və tənələrə, haqsızlıq və amansızlıqlara məruz qalır, son məqamda onların qəlbində hamıya qarşı kin-kidurət və qisasçılıq meylləri güclənir.
Petroninin sözündə həqiqət var. Çünki Oğlaq bürcü altında doğulanlar, bir-iki nəfəri çıxmaq şərtilə heç kimə xüsusi simpatiya bəsləmirlər. Amma bu, heç də o demək deyil ki, hamıya “yuxarıdan aşağı” baxırlar. Belə adamlar çox işləyir, rahatlıq bilmir, hətta xəstə ola-ola yenə də bekar durmurlar. Onlar hər şeydən əvvəl özləri üçün, öz ideyaları naminə mübarizə aparırlar. “Oğlaq”lardan ötrü özlərindən qabaqda heç kəs yoxdur. Bəzən öz doğma övladları da onlar üçün “daha vacib” hesab olunmur.
Zodiak bürclərinin bu nümayəndələri həssas, savadlı, məğrur, təkəbbürlü, ehtiyatsız iş tutmayan, hamının hörmətini qazanmağa çalışan adamlardır. Onların ən mənfi xüsusiyyəti qəfil inadkarlıqları, fikirlərinin tez-tez dəyişməsi, xüsusən də qapalı olmalarıdır. “Oğlaq”lar yalan uydurub müsahiblərini inandırmaqda passivdirlər. Belələrinin söhbətinə qulaq asanda asanlıqla öyrənmək olar ki, nəyi ciddi deyir-nəyi yalan, nəyi süni deyir-nəyi sidq-ürəklə.
Oğlaq və magiya bir-birinə zidd anlayışlardır. Bu, bir tərəfdən yaxşıdır. Çünki “Oğlaq”lar magik təsirə məruz qalmır, bədnəzərdən uzaqdırlar. Onlar uzun müddət heç bir narahatlıq keçirmədən “qara” mühitdə yaşaya bilir, çox güclü vampirlərlə, pisniyyət insanlarla ünsiyyət yaradırlar. Lakin “Oğlaq”ların da mənfi xüsusiyyətləri az deyil. Belə ki, onlar bəzən qarşılarına çıxan hər şeyi darmadağın edirlər. Oğlaq bürclülərin etmək istədiyi istənilən cadu, tilsim həm onun özünə, həm də düşməninə böyük zərər gətirə bilər. Yeganə bürcdür ki, onlarda özünüinkar, daxili təzadlar boldur. Belə ki, “Oğlaq”lar bir tərəfdən qara magiyadan hücum üçün maksimum yararlanır, digər tərəfdənsə əllə toxunula bilməyən hər şeyi inkar edirlər. İkinci səbəbə görə onlar magik mərasimlərlə maraqlanmırlar.
Karmik astrologiyaya görə, bu bürcdən olanlar anadagəlmə təşkilatçıdır. Əgər onun kollektivi yoxdursa, o, bu istedadını öz həyatını qurmağa tətbiq edəcək. Məqsədyönlülük, məsuliyyət, təcrübə və ciddilik “Oğlaq” üçün xarakterikdir. Onlar emosional deyillər, hətta bir qədər “quru adam” təsiri bağışlayırlar. Lakin çətin layihə və planları həyata keçirmək üçün lazım olan xarakterik xüsusiyyətlərə malikdirlər. Bu bürc altında doğulanların həyatındakı əsas hiss bədbinlikdir. Bu adam ilk baxışdan həyata nəzər yetirərkən əsasən ümidsiz dərəcədə dolaşmış xaosu və öz planlarını reallaşdırmağın qeyri-mümkün olduğunu görür. Lakin illər keçdikcə həyatda öz yerini tapır və həyata münasibəti dəyişir.
Ali Oğlaq üçün fəaliyyət dairəsi məhdudiyyətsizdir. Ќə ilə məşğul olsa da, istənilən işdə çoxlu təcrübi yeniliklər edə bilər. Əgər müasir “Oğlaq” sadəlöhv materializm erasının qalıqlarından uzaqlaşa bilsə, dini elmlərlə məşğul olmağa başlasa, burada da onu uğur gözləyir.
Ali Oğlaq mənəvi atadır. O, insanların həyatını həqiqətən də dəyişə bilən praktik dini cərəyanın əsasını qoyur. Onun yaratdığı incə formalar (dualar, zikr formaları) nəinki ayrı-ayrı fərdlərin qəlbində özünə yer tutur, həmçinin bu formalar böyük sosial qrupların həyatında da mühüm rol oynayır.
Klassik astrologiyaya görə, “Oğlaq”lar son dərəcə sadəlövh və tez inanandır. Bu səbəbdən də ömürləri boyu başları qalda keçir, bəlalara düçar olurlar. Hindlilərin fikrincə, bu adamların ailədə necə olması yalnız özlərindən asılıdır. İstəsələr, bircə anda hamıda xoş əhval, yaxud da əsəbi gərginlik yaradarlar. Amma nümunəvi ailə başçısı (evdar xanım) olmağa da qabildirlər. Onlar ahıl yaşlarında törətdikləri günahlarını başa düşür, düz yola qayıdırlar. Əlbəttə ki, ömür vəfa etsə…
Oğlaq bürcündə doğulan qadınlar dünyanın ən qəribə, ən sirli, müəmmalı varlıqlarıdır. Onlarla “oyun oynamaq”, onları razı salmaq çox çətindir. Belə qadınlar heç vaxt istəməzlər ki, övladları ata tərbiyəsi alsınlar. Çünki onlar ailədə aparıcı şəxs olmaq üçün hər şeyə gedirlər. Belə qadınlar ömür-gün yoldaşlarını öz iradələrinə tabe etdirir, özlərindən asılı vəziyyətə salmaq istəyirlər. Bu xanımlar həmişə həyat yoldaşlarını passivlikdə günahlandırır, “əfəl” adlandırırlar. Yeri gəlmişkən, belə “Oğlaq”lara uzunmüddətli ər olmağı hər kişi bacarmır.
Saturn öz himayəsində olan qadınlara (Oğlaq və Sutökən) yaraşıqlı, gözəgəlimli sifət verir. Hətta onlar 40 yaşında da 16 yaşında olan təravətlərini itirmirlər. Amma dediyimiz kimi, başlarına gətirilən müsibətlərə görə hamıya, bəzən öz övladlarına da nifrətlə yanaşırlar. Ərə gedənə qədər mənalı və romantik günlər yaşayan “Oğlaq” bəzən sonrakı dövrdə “qəddarlaşır”. Onlar öz uşaqlarını xüsusi ampulada tərbiyə edir, hamıdan üstün görməyə çalışırlar. Təəssüf ki, bu proses övladları evlənənə qədər davam edir. “Mən çəkən əzabları sən də çəkməlisən”,- prinsipini əsas tutan bu qadınlar övladlarını əziyyətə alışdırmağa səy göstərirlər. Bu isə çox vaxt bədbəxt hadisələrlə, ayrılıqlarla nəticələnir.
Sonda bir şeyi də qeyd edək ki, verilən məlumatlara görə bizi qınamağa dəyməz. Çünki istifadə etdiyimiz və dünya münəccimlərinin təsdiqlədiyi 6 mənbənin hamısında təxminən eyni məlumatlar yazılıb. Bu bürcün sakinləri həssas və duyğulu olduqlarından daha çox yaradıcılığa meylli olurlar. Onları qələmsiz təsəvvür etmək çətindir. Tərəzi bürcündən sonra müəllim-pedaqoq peşəsinə ən yaxın olan Zodiak da məhz Oğlaqdır. Belə adamlarda musiqi istedadı da olur. Onlar xırda biznes, texnika, dilçilik, incəsənət və s. sahələrdə asanlıqla məşhurlaşırlar.
Məşhur “Oğlaq”lar: Yusif Səmədoğlu, Firudin Köçərli, Leyla Bədirbəyli, Anar, Zeynəb Xanlarova, Əlağa Ağayev, Əbülfət Əliyev, Eldəniz Zeynalov, Səməndər Rzayev, Mədinə Gülgün, Vidadi Babanlı, Yalçın Rzazadə, Ќuriyyə Əhmədova, Səfurə İbrahimova, Mikayıl Mirzə və b.
Müəllif : Səbuhi rəhimli
Hələ orta əsrlərin münəccimləri təyin etmişdilər ki, bu bürc altında dünyaya gələnlər yalnız dahilərdir. Ona görə də bu işarəyə aid olan adamları yüksək mənsəb sahibləri hesab edir, onlara mühüm peşələrdə işləmək üçün şərait yaradırdılar.
Bundan əvvəlki dövr – Əqrəbin hakimiyyətdə olduğu ərəfə insanlara ehtiras, enerji, güclü fəaliyyət və münasibətlərdə gərginlik verirdisə, Oxatan nisbətən fərqli mövqedə durur. Belə ki, himayəsinə daxil olduğumuz bu Zodiak cəmiyyətdə gedən kəskin proseslərə, qarşıdurmaya nisbi sakitlik təlqin edir. Onun “hakimiyyəti” dövründə insanlara səadət, firavanlıq və dostluq kimi qiymətli amillər bəxş olunur. Bu ərəfədə hər bir şəxs güzəştə getməyi bacarmalı, barış mövqeyindən çıxış etməlidir. Münəccimlərin fikrincə, yalnız bu yolla Oxatanın himayədarlıq etdiyi dövr düşərli ola bilər. Bir amili də nəzərinizə çatdıraq ki, bəhs etdiyimiz zaman kəsiyində daha çox biznesmenlərin bəxti gətirir. Odur ki, pullanmaq istəyənlər bəri başdan ölçü götürməlidirlər.
Ulduzlar sistemində 9-cu yeri tutan bu bürc təxminən noyabr ayının 23-dən başlayaraq dekabrın 21-nə qədər (29 gün) davam edir. Ünsürü od, planeti Yupiter, uğurlu günü cümə axşamı, uğursuz günü şənbə, düşərli rəqəmi 5, numeroloji rəqəmi 9, uğurlu çiçəyi nərgiz, enerjisini artıran ağacı tut və ağcaqayın, metalı qurğuşundur.
Oxatan bürcü ulduzlar sisteminin təqribən 867 kvadrat dərəcəlik sahəsini tutur. Onun tərkibinə adi gözlə görünən 115 ulduz daxildir. Qalaktikamızın nüvəsi də məhz Oxatan bürcündədir. Onun 10 kürəvi və səpilmiş ulduz toplusu, habelə üç parlaq və iri Diffuz dumanlığı var. Onları hətta kiçik teleskopla və ya güclü durbinlə də müşahidə etmək mümkündür.
Oxatan bürcünün himayədarı Yupiterdir. Bu planet astronomik hesabla beşinci sırada yerləşir. Qədim əsatirlərdə Yupiter Roma imperiyasının baş allahı, göylərin, allahların, o cümlədən insanların hakimi kimi təqdim olunur. Məhz onun şərəfinə bu planeti Yupiter adlandırıblar. Qədim babillilərdə isə onu “Böyük xoşbəxtlik planeti” hesab edirdilər. Haqqında danışdığımız planet Göy qübbəsində Ay və Veneradan sonra Yerə ən parlaq işıq saçan obyektdir. Onun radiusu 71300 km, elementi hava, tərkibi istilik, xarakteri isə hakimlikdir.
Parıldayan, sehrli gözlər, bəzənsə hiyləgər baxışlar, zahiri gözəllik, istənilən adamla dil tapmaq bacarığı, görüb-götürmək istedadı, xeyirxah və özünü sevdirə bilən… Oxatan bürcündən söz düşəndə ilk növbədə sadaladığımız bu məziyyətləri bilmək vacibdir. Bu adamlar ilk növbədə hər şeyi açıq-aşkar və azad görməyi sevirlər. Onlar ürəyigeniş, yaraşıqlı, bəzi hallardasa qapalı və impulsiv olurlar. Belələri nadir hallarda aldanır və ya tənhalığa qurşanırlar. Bu bürcdən olanlar öz dəqiqliyi və uzaqgörənliyi ilə həmişə öz yoldaşlarından seçilirlər. Hələ çox-çox qədimlərdə Babilistan münəccimləri Oxatanların təmkinli xarakterə və fəlsəfi təbiətə malik olduğunu bildirirdilər.
Başqa bürclərdə olduğu kimi bu Zodiak da özündə ikili xüsusiyyət cəmləşdirir. Belə ki, onlar bir tərəfdən cəsur, sərbəst, digər tərəfdənsə, barışmaz və kobuddurlar. Oxatan sərgüzəşt və macəraları sevir, istənilən ağıllı mübarizədə igidlik göstərməyi bacarırlar. Qədim mənbələrə görə, bu bürcdən olanlar gah kimisə fəlakətdən xilas etməli, gah harayasa tələsməli, gah da kiməsə yol göstərməlidir. Onların əsas xüsusiyyətləri məğlubedilməzlik və nikbinlikdir.
“Qoroskopdan pis xəbər” adlı kitabda bu bürc haqqında deyilir: “Hədsiz dərəcədə kobud və ədəbsiz olan bu cür insanlarla münasibətdə istənilən xoşagəlməz hadisə baş verə bilər. Belə ki, metro və avtobuslarda gedərkən o, başqalarının ayağını tapdalayar və dava düşər, restoranda yeyib-içər və camaatla əlbəyaxaya çıxar və s. İş fəaliyyətinə gəldikdə isə Oxatanlar çox yönsüz olduğundan işlədikləri idarəni iflasa uğrada bilərlər. Bu cür insanlar iş yerindəki bütün sənədləri qarışdırır və texniki avadanlıqları yarıtmaz hala salırlar. Onlara elə gəlir ki, bu cür xırda şeylərə baş qoşmaq yox, qlobal işlər haqqında düşünmək lazımdır”.
Amma bizim qənaətimizcə, Oxatanların müsbət keyfiyyətləri daha çoxdur. Fiziki cəhətdən güclü olan belələri həmişə yüksək ideyalarla yaşasalar da, hərdəmxəyal və ya hissə qapılan deyillər. Əksinə, həmişə öz perspektivlərini həyata keçirmək məqsədilə bütün güclərini səfərbər edirlər. Ədalət tərəfdarı olduqlarından, nadir hallarda hiyləgərlik edirlər. Oxatanların, demək olar ki, hamısı səfərlərə çıxmağı, riskə getməyi, bəzən də qarmaqarışıqlıq yaratmağı xoşlayırlar. Ən dəhşətlisi odur ki, belə adamların ən azı 50 faizi uzun ömür sürmür. Onlar nadir hallarda yorğan-döşəkdə, öz doğmaları arasında vəfat edirlər. Böyük siyasətlə məşğul olan Oxatanların əksəriyyəti sui-qəsdin qurbanı olur və ya sürgün həyatı yaşayırlar (F.Engels, İ.Stalin, L.Brejnev, Rəsul Quliyev və s.).
Bəri başdan bildirək ki, bu adamlar çox bədxərcdir. Pulu xərcləməyə başladılarsa, heç cür dayana bilmirlər. Xəsislik hissi onlara yaddır (xüsusilə də, əgər söhbət onlara əziz olan adamlardan gedirsə). Belələri maliyyə imkanlarını nəzərə almadan bahalı və dəbdəbəli hədiyyələr bağışlayırlar. Pulsuzluq dövrü yetişdikdə, qənaət etmək lazım gəldikdə isə Oxatanlar özlərini kədərli və bədbəxt hesab edirlər. Onlar sərbəst pul xərcləmə imkanından ləzzət alırlar. Yaradıcılıqda isə bu adamlar təkrarçılığa meyllidirlər. Onların yaradıcılığında istedadlı insanların təsiri hiss olunur.
Karmik yanaşmalara gəlincə, Oxatanın əsas ideyası azadlıqdır və bu ideya hər şeyə münasibətində aydın nəzərə çarpır, xüsusilə də nigaha dair düşüncələrində. O, dünyanı bir tam kimi qəbul edir, bu bütövlüyə yeni ideya bağışlamaqla bərk məşğul olduğundan konkret insanların hisslərinə vaxtı çatmır. Oxatan son dərəcə xeyirxah, alicənab fərddir. O, təkrarolunmaz məlahətə malikdir, amma müntəzəm surətdə ətrafa səhv qiymət verir, laqeydlik göstərir. Lakin ümumilikdə yüksək dairələrdən informasiya aldığı üçün adətən hər şeyi dolğun şəkildə təsvir edir. Oxatan asanlıqla bir işdən başqa bir işə yönələ bilir. Buna görə də onun əsas problemi diqqətsizlik və məsuliyyətsizlikdir.
Ali Oxatan Tanrı Həqiqətlərini insanlara ötürən liderdir. Onun idarə etdiyi sahələrdə İNSAN vasitəsilə ali ideyalar sanki bəşəriyyətə yayımlanır. Bu ideyalara fəlsəfi və dini xarakter xasdır. Oxatanın beyni ideyalarla doludur, lakin o, ideyalarını heç kimə zorla yeritmir, daha çox bu ideyaları işıq kimi ətrafa saçır. Oxatanın kosmik sevgisi onun Ali Başlanğıca can atmasıdır və bu Ali Başlanğıcı hər Oxatan öz bildiyi formada edir. Buna baxmayaraq ali canatmanı hər bir Oxatan içində hiss edir. Onların nikbinliyinin və həyatsevərliyinin kökündə də məhz bu meyl durur.
Bu bürcdən olan qadınlarda da fərqli cəhətlər çoxdur. Müasir astrologiyanın təbirincə desək, Oxatan-qadınlar daha çox kişi xarakterinə malik olur, dostları arasında əks cinsdən olanlar böyük çoxluq təşkil edir. Bir amili də nəzərinizə çatdıraq ki, sözügedən Zodiaka malik zərif məxluqlar arasında əsl qadın xarakterini daşıyanlar olduqca cüzi faiz təşkil edirlər. Həm də onlar qadında olan bütün müsbət keyfiyyətləri özlərində toplayırlar (Əlbəttə ki, Qız bürcünün qadınlarından sonra – S.R.). Onlar əksər hallarda ailədə aparıcı mövqeni əldə saxlamağa çalışır və buna nail olurlar. Söz ki ailədən düşdü, gəlin, bu bürcdən olanların sevgi həyatına da səyahət edək…
Bu Zodiakda dünyaya gələn adamlar hamı kimi sevib-sevilməyi də bacarırlar. Əgər məhəbbət aləmində kobudluq, hərdəmxəyallıq, tez qızışmaq kimi hallar olmasa, bu adamlar “ilan”la da yola gedə bilərlər. Ən əsası odur ki, Oxatanlar qısqanc deyillər. Amma bu heç də hər şeyə göz yummaq kimi başa düşülməməlidir. Çünki belələrinin qəzəbinə gəlmək dözülməzdir. Əgər tərəf-müqabilləri onları qane etmirsə, Oxatanlar onlardan asanlıqla imtina edir. Bir sözlə, bu bürcdən olanlar öz adlarını təmiz saxlamaq naminə hər şeyə gedirlər.
Oxatanlar digər bürclərdən fərqli olaraq daha tez vurulurlar. Amma sevgi məsələlərinə həmişə inamsız yanaşır, “onsuz da alınmayacaq” deyə düşünürlər. Hətta bəzən toya bir həftə qalsa belə, onlar sevdiklərinə qovuşacaqlarına inanmırlar. Əlbəttə ki, söhbət yüksək həyat təcrübəsinə malik olan aktiv Oxatanlardan getmir. Əgər kimsə, qəlbində bu bürcə yer ayırıbsa, ona məsləhət görərdik ki, öz tərəf-müqabilinin inamını qırmasın. Oxatanın təkliflərini eşitsəniz, söz güləşdirməsəniz, birgə xoş günlər yaşayacaqsınız.
Bu bürclülər astrologiya sahəsində daha çox biznesmen kimi məşhurdur. Onlar hətta kimsəsiz səhraya düşsələr belə, qısa vaxtda ən böyük mənsəb sahibinə çevrilə bilirlər. Bundan başqa, Oxatanlar daha çox siyasətə, elmə maraq göstərirlər. Onlar mistik elmlərə, cadugərlərə, fal açanlara, hətta qoroskopa qeyri-ciddi yanaşırlar. Bu adamlarda böyük bir kütləni öz arxalarınca aparmaq istedadı var. Onların fəallığı və mübarizliyi həmişə diqqət mərkəzində olur. Hətta onların “paxırı” olsa belə, özləri istəməsə, heç kim bunu aça bilməz. Bir sözlə, həyatın əksər sahələrində “ilişmirlər”.
Peşə astrologiyasına görə, haqqında danışdığımız bürcün sakinləri dənizçi, hərbçi, alim, rəssam və bu kimi digər peşələrə yiyələnə bilərlər. Amma yuxarıda dediyimiz kimi onların əsas qayəsi böyük biznes və siyasətdir.
Məşhur “oxatan”lar: Vəcihə Səmədova, İmran Qasımov, Hüseynbala Əliyev, Tahir Salahov, Aşıq Zülfiyyə, Əli Vəliyev, Alqayıt, Kamal Abdulla, Həsənağa Salayev, Əkrəm Əylisli, Fətəli Xan Xoyski, Mərziyə Davudova, Coşqun Rəhimov, Rəsul Quliyev, Çingiz Aytmatov, Əminə Dilbazi, Xudu Məmmədov, Rəşid Behbudov, Rac Kapur, Dilarə Əliyeva, Səttar Bəhlulzadə, Hüseyn Arif, Ramiz Rövşən, Salatın Əsgərova, Osman Sarıvəlli, Mikayıl Abdullayev, Qulu Əsgərov, Süleyman Vəliyev, Nizami Rəmzi, Nüşabə Ələsgərli…
Müəllif : Səbuhi rəhimli
Qədim Babil münəccimləri Buğa bürcü altında dünyaya gələnləri varlı və öz mənafeyini hər şeydən üstün tutan adamlar adlandırırdılar. Əgər bundan əvvəl yola saldığımız Qoç bürcü cəmiyyətdə və siyasi həyatda gərginlik yaradırdısa, Buğa bürcünün Göy qübbəsinə hakim kəsildiyi dövr nisbətən sabit keçir. Münəccimlərin qənaətlərinə görə, Buğa bürcünün əhatə etdiyi məqamlarda hava mülayim və sakit keçir. Bu isə haqqında yazdığımız Zodiak işarəsinin təmkinliliyi ilə əlaqədardır. Torpağa bağlı olan Buğa bürcündə müəmmalı cəhətlər çox olduğundan hələ də onun xarakteri tamamilə aşkar olunmayıb. Müşahidələr göstərir ki, təbiətin ən gözəl çağına təsadüf edən Buğa bürcü həm də toy-nişanla zəngin keçir.
“Qoç”la müqayisədə Buğa bürcünün əhatə etdiyi dövr kifayət qədər sakit olur. Haqq-ədalətin, tapdanmış hüquqların bərpası, kəskin qarşıdurmaların sonuclanması da məhz bu ərəfəyə təsadüf edir. Hesablamalar göstərir ki, Buğa bürcünün yalnız 1-ci dekadası (21-30 aprel) insanlar üçün təlatümlü keçir, qalan dekadalarda isə həqiqət üzə çıxır, müəmmalı hadisələrə aydınlıq gəlir. Müasir dünya münəccimlərinin qənaətincə, cinayət işlərinin ən çox açılması da məhz bu zodiakın əhatə etdiyi müddətə düşür.
Amma Buğa bürcü məmləkətimiz üçün o qədər də əhəmiyyətli deyil. Çünki sənayedə, elm və təhsildə nə qədər uğurlarımız olsa da, hərbi zəmində zaman-zaman yalnız məğlubiyyətlərlə üzləşmişik. Bu səbəbdən də hər dəfə “Buğa”nın təmkinini pozmamalı, onun nazıyla oynamalıyıq.
Ulduzlar sistemində ikinci yeri tutan Buğa bürcü təxminən aprelin 21-dən mayın 21-nə qədər olan dövrü (32 günü) əhatə edir. Ünsürü torpaq, planeti Venera, xoşbəxt rəqəmi 6 (6-ya bölünən bütün rəqəmlər), uğurlu günü cümə, uğursuz günü çərşənbə axşamı, astrolji rəngi ağ, yaşıl, narıncı və yasəməni, qiymətli daşı isə brilliyant, opal və Ay daşıdır. Bu zodiak Göy qübbəsində təqribən 800 kvadrat dərəcəlik sahəni əhatə edir. Onun tərkibində 230-dan artıq ulduz var və onlardan yalnız 25-ni adi gözlə görmək mümkündür. Buğa bürcündə parlaq ulduzlar, eləcə də iki böyük ulduz toplusu var.
Buğa bürcünün planeti olan Venera astronomik hesabla ikinci yeri tutur. Yəqin çoxlarınız bu planetin Dan ulduzu adlandırıldığını da bilirsiniz. Çünki Venera, Günəş və Aydan sonra yerdən görünən ən parlaq obyektdir. Qədim romalılar onu sevgi, gözəllik və izdivac ilahəsi Veneranın şərəfinə belə adlandırıblar. Bu planetin radiusu 6050 km, elementi hava, tərkibi istilik, xarakteri isə hakimlikdir. Müasir astrologiyada artıq üç ildir ki, Yerin təbii peyki olan Ayı da Buğa bürcünün himayədarı kimi qələmə verirlər.
Bu Zodiak işarəsi altında dünyaya gələn adamlar ilk növbədə yüksək qabiliyyətləri və əməksevərlikləri ilə diqqəti cəlb edirlər. Onlar hətta mənasız görünən məsələlərdə də ciddi nüanslar tapırlar. Güclü yaddaş, özünə inam, dəqiqlik, hədsiz təmkin bu adamların ən mühüm keyfiyyətlərindən hesab olunur. Belələri ətrafda cərəyan edən hadisələrə tələsik reaksiya vermir, hətta hər şey aşkarlansa belə, fikir bildirməyə tələsmirlər. Hər bir məsələdə vaxtı uzatmağı sevən “buğa”lar nadir hallarda yanılırlar. Onların qapalılığı ünsiyyətdə olduğu adamlarda ikrah hissi doğursa da, ciddi görkəmləri və yüngüllükdən uzaq olmaları münasibətlərin korlanmasına mane olur.
“Buğa”ların nə düşündüyünü və hansı addımlar atacağını öyrənmək çox çətindir. Çünki bu bürcün sakinləri ən yaxın simsarlarına belə sirr vermir, gələcək perspektivlərini hamıdan gizlədirlər. Riskdən uzaq olan bu adamlar adətən tələsmir, hər şeyi öz axarında həll etməyə çalışırlar. “Buğa”lar o qədər dözümlü olurlar ki, bəzən onların hər şeydən məhrum olduğunu zənn edirlər. Lakin gərgin situasiyalardan elə ustalıqla çıxırlar ki, hamı inanılmaz dərəcədə təəccüblənir.
Bəri başdan nəzərinizə çatdıraq ki, bu bürcə aid olanlar ən darıxdırıcı insanlardır. Onların öz həmsöhbətləri ilə ünsiyyəti yalnız Miriş demişkən, “Salam. Sağ ol” çərçivəsindən çıxmır. Əgər siz bir kişi ilə tanış olarkən cəmi beş dəqiqə sonra onunla söhbətdən bezirsinizsə, çox ehtimal ki, yeni tanışınız Buğa bürcündəndir.
Orta əsr münəccimlərinin qənaətincə, Qadın-buğalar çox tamahkar olur, ən gözəl, ən yaraşıqlı oğlanları ovsunlamağa çalışırlar. Ümumiyyətlə, bu adamlar həddindən artıq xidmət göstərən olur, işlədikləri müəssisənin şərəfini qaldırmaqdan və müəssisə rəhbərəni razı salmaqdan böyük zövq alırlar.
“Buğa”larla yaxşı ünsiyyət yaratmaq üçün onların xarakterinə uyğun davranış nümayiş etdirmək lazım gəlir. Hər hansı yumor, yüngül hərəkət, çılğınlıq və ya yalançı meyllər ağır nəticələr verə bilər. Bizim leksikonda işlədilən “yerəbaxan” sözünü haqqında yazdığımız zodiaka şamil etsək, heç də yanılmarıq. Lakin onların sakitliyini fağırlıq və ya qorxaqlıq kimi qəbul etmək də səhv olardı. Çünki onlara “sataşmaq” çox təhlükəlidir. Ən azı ona görə ki, belələri hiddətlənəndə mütləq qisas alırlar, hətta 20 il keçsə də.
“Buğa”ların nəyə maraq bəslədiyini bilmək kiməsə nadir hallarda müyəssər olur. Məktəb illərində heç vaxt qabaqcıl şagird olmasalar belə, bu, heç də onların passiv oxumasına dəlalət eləmir. Hər şeyə qiymət verən “buğa”lar qənaəti sevir, yığımcıl olurlar. Hətta həddi-buluğa çatmamış övladlarında bu qabiliyyəti görən valideynlər öz “qaraqabaq” uşaqlarının gələcəyinə ümidlə yanaşırlar. Yeri gəlmişkən, nəzərinizə çatdırırıq ki, Buğa bürcü altında doğulan hər kəs – istər qadın olsun, istərsə də kişi – gözəl aşbazlıq qabiliyyətinə malik olurlar.
Yəqin çoxlarınız bilmirsiniz ki, bürclər arasında ən varlısı da məhz “buğa”larla “oxatan”lardır. İkincilər var-dövlətə əziyyətləri və dostlarının köməyi ilə çatırlarsa, birincilər buna bəxtləri və ağılları hesabına yetişirlər. Onlar özlərindən və ailələrindən daha çox başqalarının mənafeyini təmin etməyə üstünlük verirlər. Bu bürcdən olanlarda bir qədər hiyləgərlik də var. Lakin onlar bunu yalnız lazımi məqamda icra edirlər. Məsələn, öz ideyalarının obyektiv olduğuna valideynlərini inandırmaq, münasibətləri soyuqlaşan iki şəxs arasında sülh yaratmaq üçün biclik işlədirlər. O ki qaldı “buğa”ların sevgisinə, bu barədə bəzi incə nüansları nəzərinizə çatdırmaq istərdik. Öncə qeyd edək ki, “buğa”lar sevgidə çox tələbkardır. Hər nə istəsən, etməyə qadirdilər. Amma bunun əvəzini də görməyə çalışırlar. Cüssəli, qamətli, qəşəng görkəmli “buğa”ların məhəbbətini qazanmaq istəyirsinizsə, əvvəlcə özünüzə fikir verin. Çünki onlar sevdiyi adamı gözəl və yaraşıqlı görmək istəyirlər. Siz dəbə uyğun, zövqlə geyinməyi bacarmalısınız. Ehtiraslı “buğa”nı intim əlaqələrdə də razı salmaq çox çətindir. Siz məhəbbətin bütün sirlərinə yiyələnməlisiniz. Əks halda, onlar sizə qarşı bütün maraqlarını itirəcəklər.
Hələ qədimlərdə bu bürc altında dünyaya gələnləri hakimiyyətə iddialı hesab edirdilər (2-ci Yekaterina, 2-ci Nikolay, Karl Marks, Mustafa Kamal Atatürk, Vladimir Lenin, Heydər Əliyev, Ayaz Mütəllibov, Səddam Hüseyn və başqaları). Onların ticarət sahəsində məşhurlaşacağını da bildirirdilər. Lakin “buğa”lar səyyah, incəsənət xadimi və icmalçı kimi də məşhurlaşırlar. Bu adamlar daha çox rəhbər vəzifələrdə çalışırlar. Çünki Buğa bürcünün sakinləri digərlərinə nisbətən idarəetmə funksiyasını mükəmməl bilirlər.
Məşhur “buğa”lar: 2-ci Nikolay, Lenin, 2-ci İohann Pavel, Karl Marks, Sirus Təbrizli, Sabir Rüstəmxanlı, Uilyam Şekspir, Rabindranat Taqor, Al Paçino, Anatoli Karpov, Adil İskəndərov, İsmayıl Osmanlı, Əjdər İbrahimov, Həsənağa Turabov, Həsən Əbluc, Məhluqə Sadıqova, Səid Rüstəmov, Rəsul Rza, Ətayə Əliyeva, Kamal Xudaverdiyev və başqalarıdır.
Müəllif : Səbuhi rəhimli
Bu bürc altında doğulan insanlar hansı xüsusiyyətlərə malikdirlər?
Hələ qədim dünyanın adamları qızmar Yay fəslinə təsadüf edən Xərçəng bürcünün gəlişindən ehtiyat edir, özlərini buna hazırlayırdılar. Belə ki, onlar Günəşlə Ayın bir-birinə daha yaxın məsafədə olduğu bu ərəfəni Xeyirlə Şərin bərabər gücə malik olması və haqqı nahaqdan ayırmağın çətin olması kimi qiymətləndirirdilər. Orta əsrlərdə isə “Xərçəng”in hakimiyyətdə olduğu dövrü daha çox qadınlar üçün təhlükəli hesab edirdilər. İnsanlar belə qənatə gəlmişdilər ki, mistik məxluqların himayədarı olan Ay qadınları xəstələndirir, onları ailədən təcrid edir, gücdən salır, hamilə olanları öldürür. Bədirlənən Ay zamanında isə qadınların daha zəif və əsəbi olduqları bildirilirdi. Bu səbəbdən də Xərçəng bürcündə daha çox zərif məxluqları qoruyurdular.
Məqalənin girişində qeyd etdiyim kimi, bu Zodiak işarəsinin gəlişi iqlimin daha da istiləşməsinə təsadüf edir. Bir qayda olaraq bu ərəfədə məzuniyyət götürülür və uzaq səfərlərə çıxırlar. Druidlərə görə, insanların ən “tənbəl” dövrü də məhz bu ərəfəyə düşür. Ən böyük bəla isə göstərilən müddətdə insanların bir-birinə qarşı yaranmış soyuqluğunun daha kəskin xarakter almasıdır. Hesablamalara görə, ən çox insan tələfatı da məhz adıçəkilən zodiakın əhatə etdiyi günlərə təsadüf edir. Bir tərəfdən siyasi olaylar, müharibələr, terror hadisələri, digər tərəfdənsə təbii fəlakətlər insanların sayını kəskin surətdə azaldır.
Ulduzlar sistemində 4-cü yeri tutan Xərçəng bürcü bir qayda olaraq iyunun 22-dən iyulun 22-nə qədər (31 gün) olan dövrü əhatə edir. Ünsürü su, planeti Ay, düşərli günü bazar ertəsi, cümə axşamı, ağır günü çərşənbə axşamı, şənbə, uğurlu rəngi ağ, açıq-mavi, göy, yaşıl, uğursuz rəngi boz, daşı rubin, zümrüd, Ay daşı, metalı gümüş, enerji verən çiçəyi jasmin, uğurlu rəqəmi 4, 5, 8, müxalif bürcü Oğlaq, talismanı ürək, şanslı ölkələri isə Türkiyə, Şotlandiya, Prussiya, Hollandiya, Suriya, Afrika, Avstraliya və Sakit okean adalarıdır.
Yeri gəlmişkən, Xərçəng bürcü Göy qübbəsində yerləşən ən kiçik Zodiak işarəsidir. O, səmanın cəmi 500 kvadrat dərəcəlik sahəsini tutur. Adi gözlə görünən 60 ulduza malik olsa da, heç bir parlaq ulduzu yoxdur.
Xərçəng bürcünün himayədarı olan Ay, bəzi mənbələrdə ən kiçik planet, bəzi mənbələrdə isə qeyri-planet sırasına şamil edilir. O, Yerin təbii peyki və gecə səmasının ən parlaq obyektidir. Hətta təzə doğan Ayın parlaqlığı Veneranın maksimal parlaqlığından 2500 dəfə çox olur. Antik dövrün münəccimləri hesab edirdilər ki, Ay insanlarda inam, ümid, xeyrxahlıq və digər emosional duyğular yaradır, gündəlik qayğılarla məşğulluğa və ev işlərinə müsbət təsir göstərir. Onun radiusu 1738 km, elementi su, tərkibi soyuqluq, xarakteri isə hakimlikdir.
Yerə yapışan, kök fiqura, solğun, dəyirmi sifət, enli alın, açıq şabalıdı saçlar, böyük gözlər, iri döşlər, xırda pəncəli ayaqlar və uzun, qələməbənzər əllər… “Xərçəng”lərin zahiri görkəmindən söz düşəndə ilk növbədə bu amil qabardılır. Bütün dövrlərin münəccimləri bu bürc altında dünyaya gələn adamların ilk növbədə dinpərəst olduğunu vurğulayıblar. Qənaətlərə görə, bürclər arasında onlar qədər Axirət dünyasına, Tanrıya inanan yoxdur. Məhz bu inamdan irəli gələrək onlar nə qədər uğursuzluq və faciələrlə rastlaşsalar da, istənilən anda özlərində təmkin tapa bilirlər.
Bir qayda olaraq “Xərçəng”lər hündürboy, yaraşıqlı və ağıllı olurlar. Onlar nə qədər eqoist görünsələr də, insanlardan daima qayğı, mərhəmət, bir sözlə, ana doğmalığı umurlar. Belə adamların taleyini xoş təsadüflərlə bəxtlərinin gətirməsi təşkil edir. “Xərçəng”lər hədsiz dərəcədə hissiyyatlı və əyləncə həvəskarı olurlar. Kənardan baxana elə gələ bilər ki, bu bürcün sakinləri qapalı, səriştəsiz və kobuddurlar. Çünki görünən mənzərə məhz deyilənlərlə eynilik təşkil edir. Lakin dərindən bələd olduqda, onların xoş davranışlarının, mərhəmətinin şahidi olmaq da mümkündür.
Müasir dünya astrologiyasının qənaətinə görə, bu işarə altında dünyaya gələn qadınlar uşaqları çox sevir, ailəcanlı-qohumcanlı olur, kişilərsə əksinə, çox vaxt ailədən təcrid olunur, “ayağısürüşkən”liyə meyl edirlər. Ümumiyyətlə, bu bürcün əksər kişiləri peşəni və pulu hamıdan çox sevirlər. Onları Ay idarə etdiyindən az da olsa, hipnoz etməyi də bacarırlar. Məhz bu faktor həmişə “Xərçəng”ləri diqqət mərkəzində saxlayır, onlara ehtiyac olduğunu büruzə verir. Konkret olaraq məhəbbətə gəlincə, bildirək ki, incəqəlbli “Xərçəng” üçün məhəbbətini itirmək çox ağır zərbədir. Belə üzücü hallarda bu romantiklər gözlərini yumur və sevgilisinin qayıtmasını arzulayır. O isə qayıtmaq haqqında heç fikirləşmir. Belə məqamlarda bir qədər daşürəkli olmaq lazımdır.
“Xərçəng”lərin cəmiyyətdə nüfuz qazanmalarına mane olan bəzən onların eqoistliyi, məsuliyyətsizliyi, xasiyyətinin tez-tez dəyişməsidir. 13-cü əsrdə yaşamış ingilis münəccimi Rocer Bekon bu bürcə aid olan kişilər haqqında belə deyirdi: “Onların əksəriyyəti qorxaq və namərddir”. Kişi-”Xərçəng”lərin hiyləgərliyi və emosional dayanıqsızlığı, onların qadınlarla olan münasibətlərinə mənfi təsir göstərir. Adətən bu bürcdən olan qadınlarla ailə həyatı qurmaq üçün kişilər uzun müddət gözləməli olurlar. “Xərçəng” sürücülərsə çox şıltaq olur: qırmızı işığı keçmək, sürəti həddindən çox artırmaq onların adətidir.
Daima hakimiyyət iddiasında olan belələri öz istəklərinə yetişmək üçün daha çox başqalarının köməyinə arxalanırlar. Ümidlərini “ağ atlı oğlana” bağlayan “Xərçəng”lər nadir hallarda əzmkarlıq göstərə bilirlər. Onlarda bəzi hiyləgərlikləri də görmək mümkündür. Belə ki, haqqında yazdığımız adamlar riskli iş görərkən məsuliyyəti öz üzərlərindən atmağa çalışırlar. Hər hansı bir işə başlayarkən mütləq özlərinə təcrübəsiz bir fiqur tapan “Xərçəng”lər sonradan “paxır açılarsa” bütün səriştəsizliyi “müttəfiqlərinin” üstünə atmaq istəyirlər. Bu amili nəzərə alan oxucularımız sözügedən bürc altında dünyaya gələn adamlarla həddindən ziyadə ehtiyatlı olmalıdılar. Unutmayın ki, “Xərçəng”lərin hipnozlu baxışlarından yayınmaq hər adama nəsib olmur.
Ərəb münəccimlərinin təbirincə, Xərçəng bürcü altında doğulanlar təkbaşına heç bir müvəffəqiyyətə yetişə bilmirlər. Ona görə də belələrinə mütləq kənardan dəstək vermək lazımdır. Müasir nücum elmi də bu adamlar haqqında ərəblərin göstərdiyi fikirləri təsdiq edir. “Başqalarının dəstəyi olmasa, onlar heç vaxt xoşbəxt olmurlar”, – bu fikirlərsə ötən əsrin fransız münəccimlərinə aiddir. Və bütün bunlardan da belə nəticəyə gəlmək olar ki, mühacirət, qürbətdə yaşamaq, tənha qalmaq, türməyə düşmək – haqqında yazdığımız adamların məhvinə səbəb olur.
Xərçəng bürcünün nümayəndələri romantik duyğularla yaşadığı üçün tez sevilirlər. Onları Ay idarə etdiyindən daha çox gecələr fəaliyyət göstərirlər. Ovqatları sabit olmasa da, qismətlərindən qaçsalar da, tez qızışsalar da, hər halda sevilməyi və yaxşılıq etməyi də bacarırlar.
Antik dövrün münəccimləri xərçəngin həm suda, həm də quruda yaşamasından çıxış edərək belə qənaətə gəlirdilər ki, bu bürcün himayəsində olan adamlardan yalnız balıqçı çıxır. Lakin sonrakı dövrlərdə bu siyahı xeyli artmağa başladı. Belə ki, bu bürc altında doğulan adamlar zaman-zaman sübut etdilər ki, onlar çox şeyə qadirdilər. Məsələn, bu adamlardan yazıçı, tarixçi, pedaqoq, rəssam və bu kimi digər peşə sahibləri də çıxır. Amma bir şey var ki, “Xərçəng”lər incəsənət sahəsinə o qədər də meylli olmurlar.
Məşhur “Xərçəng”lər: Ş.İ.Xətai, Mirzə Kazımbəy, S.Ə.Şirvani, M.F.Axundov, Abbasquluağa Bakıxanov, Cabbar Qaryağdı, Tağı Şahbazi, Sona Hacıyeva, Barat Şəkinskaya, Əbülfəz Elçibəy, Məlik Dadaşov, Türkan Şoray, Nigar Rəfibəyli, Mirzə Babayev, Məmməd Araz, Telman Adıgözəlov, Anar Məmmədxanov və başqaları.
Müəllif : Səbuhi rəhimli
Ulduzlar sistemində beşinci yeri tutan Şir bürcü təxminən iyulun 23-dən avqustun 22-nə qədər olan dövrü (31 gün) əhatə edir. Ünsürü od, planeti Günəş, düşərli günü bazar, düşərsiz günü şənbə, uğurlu rəngi qızılı, narıncı, al, qara, uğursuz rəngi ağ, uğurlu daşı yantar, topaz, rubin, oniks, brilliant, metalı qızıl, enerji verən çiçəyi xrizantema, pion, uğurlu rəqəmi 1, 5, 9, 11, müxalif bürcü Sutökən, talismanı taclı inək, şir, qartal, şanslı ölkələri Fransa, İtaliya, Çexiya, Slovakiya, Antarktida, Arktika və Siciliyadır.
Fiziki strukturu
Şir bürcündə doğulan insanların adətən hündür boyu, dolu mütənasib bədəni, yumru başı olur. Enli kürəkləri, hündür, açıq alnı, azca əyilmiş burnu, dolu dodaqları var. İri, qara və ya şabalıdı gözləri, məğrur, aydın baxışları, açıq rəngdə saçları və gözəl dərisi olur. Yerişi ləngdir. Xarakteri möhkəm, cəsarətli, müstəqildir. Çox diqqətli, məğrur, xeyirxah, azad düşüncəli, lakin əsəbidirlər.
Fəaliyyət üslubu
Bu bürc altında duğulanlar arasında çoxlu aktyorlar, rejissorlar, prodüsserlər və teatr adminstratorları var. “Şir”lər xüsusiylə “malı yaxşı nümayiş etdirmək”,- gərək olduğu yerdə daha uğurlu fəaliyyət göstərirlər. Buna görə də dizayn, aşbazlıq, vitrinlərin quruluşu və s. kimi işlər onların ürəyincədir. Qeyd etmək lazımdır ki, “Şir”lər yeni və təcrübələri az olan işlərə başlamağa meyllidirlər. Buna görə də çox çalışmalarına və istedadlarına baxmayaraq, bəzən öz məqsədlərinə çata bilmirlər.
“Şir”lər pulun özünü yox, onun yaşamağa imkan verdiyi şahanə həyatı sevirlər. Biznes onlar üçün elit bir oyundur. Belələrinin sərmayə qoya biləcəyi ən uğurlu mühit daşınmaz əmlak və əmanət sahəsidir.
Vəzifə həvəskarı olan bu Zodiak idarəetmədə peşəkardır. Çünki onda artistlik bacarığı və özünəinam hissi çox güclüdür. Zaman-zaman çətinliklərə mübtəla olsa da, vəzifə pilləsində hamını təəccübləndirməyi bacarır. “Şir”in ən zərif yeri olan özünəvurğunluq hissinə qarşı çıxsanız, asanlıqla onun əbədi düşməninə çevrilə bilərsiniz. Bu bürcdən olan vəzifəlilər hədsiz dərəcədə zəif yaddaşa malik olurlar. Bu amildən yararlanıb bütün işləri hiss etdirmədən icra edin və ona yalnız uğurlu nəticə haqqında məlumat verin. “Şir”in ürəyinə yol tapmaq istəyirsinizsə, cəsarətli və qürurlu olmağınız kifayətdir.
“Zəif damarı”
“Şir”lər otağa girəndə orada olanlar arxa plana keçməli, hamı onlara diqqət yetirməlidir. Unikal və digərlərindən üstün olduqlarını göstərməlidirlər. Onlara bu imkanı verin. Deyin ki, hələ bu vaxtacan belə qeyri-adi insan görməmisiniz. Onları tərifləyin. Bu, onlara hava və su kimi lazımdır. Onları tutduqları mərkəzi mövqedən yıxmağa çalışmayın. Öz kamilliklərini nümayiş etdirməyə imkan yaradın. Həyatınızın onların ən kiçik arzularından asılı olduğunu göstərə bilsəniz, daha yaxşı olar. Deyə bilərsiniz, “bu lap ağ oldu”, amma bir başqa bürclə bu, bəlkə də belə olardı. “Şir”lərə isə başqa yol yoxdur. Onlar bunu təbii hal kimi qəbul edirlər. Bu adamlar yumor hissinə malikdirlər, gülməyi xoşlayırlar, lakin özlərinə yox. İncəsənətlə, teatrla, ədəbiyyatla maraqlanırlar. Buna görə də “Şir”ləri şəkil qalereyasının açılışına, tamaşanın, filmin premyerasına, ədəbi xarakterli dəbdəbəli yığıncağa dəvət etmək yerinə düşər.
Mənfi cəhətləri
Astrologiyadan “Şir”ləri mərd və cəsur insan kimi tanısaq da, bu adamlar eyni zamanda vəzifəpərəst, dikbaş və hissiyyatsız bir varlıqdırlar. Onlar şöhrətpərəst və lovğa olur, onların yerini tutmağa çalışan hər kəsi məhv edir, öz planlarını həyata keçirmək üçün hər şeyə (mənfi və müsbət cəhətdən) gedirlər. Qadın-Şirlər şıltaqlıq və ədabazlıq etmədən keçinə bilmirlər.
Gizli qabiliyyətləri
Şir bürcündən olan kişiləri ifrat özünəvurğunluq və eqoizm uçuruma yuvarlada bilər. Onlar hər zaman yüksəkdə durmağa öyrəşiblər. Ona görə də belələrini yalandan tərifləməklə hər bir işə (o cümlədən yaramaz işlərə də) sövq etmək mümkündür. Bu sayaq insanlar bir anlıq parlamaq üçün çox şeyi qurban verərlər.
Aşağı səviyyəli “Şir”lər eqoistdir. Belələri tərəddüd etmədən ailəsini, uşaqlarını onlara məftun olduğunu göstərə bilən başqa bir qadından ötrü ata bilərlər. Onlar hətta ailələrinin çörəkpulunu düşünmədən sağa-sola xərcləməyə qadirdirlər. Özlərini təmizə çıxarmaq üçün gözlərini qırpmadan yalan danışa bilərlər. Şan-şöhrətə çox qısqancdırlar. Onların səhvlərini üzə çıxaranlara nifrət bəsləyirlər. Əgər yüksək səviyyəli “Şir”lər alicənab və müdrik padşahlardırsa, aşağı səviyyəli “Şir”lər tovuz quşu lələyi taxmış qarğalardır və onlar bu lələyi hər şeydən üstün tuturlar.
Şir bürcündən olan qadınlar hər bir halda şahzadədirlər. Onların aşağı səviyyəli olanları çox bədxərc və eqoistdirlər. Belələrinin istəyi başqaları üçün qanundur. Əgər kimsə onların istəklərini yerinə yetirmirsə, ona nifrət edirlər. Bu sayaq qadınlar digər həmcinslərinə yalnız xidmətçi, yaxud da özlərinə maneə kimi baxırlar.
Aşağı səviyyəli Şir-qadınlar, yüksək səviyyəli Şir-qadınlardan qorxurlar. Çünki onların üstünlüyünü çox yaxşı duyurlar. İşlənməmiş karmaya malik olan belə qadınları gözləyən real təhlükələrsə göz qabağındadır. Parlaq (yəni pullu) cəmiyyətdə dolanmağa öyrəşən Şir-qadınlar təbii ki, tez-tez borca da düşər və bununla da kriminal ünsürlərin “razborka”sının qurbanına çevrilə bilərlər.
Karmik düyünü
Bu bürcdən olanlar üçün daimi dəyişən enerji axını xarakterikdir. “Şir” ideal rəhbərdir. O, ruhlandırmaq lazım gələni, öz enerjisi ilə ruhlandırır, digərlərini isə təkrarolunmaz avtoriteti ilə tabe edir. Onun əsas problemi aşağı səviyyədə qavramadadır. Ona elə gəlir ki, uğur qazanan və güclü olan haqlıdır. Bundan başqa, “Şir” reallığın ancaq onun enerjisinin işıqlandırdığı tərəfi ilə maraqlanır. Qalan şeyləri isə inkar edir.
Ali-Şir öz enerjisi ilə kor olmuş vəziyyətdə deyil. O, impulsiv deyil və həyatı diqqətlə müşahidə edir. Ali-Şir enerji axınının da qulu olmur. Bu adam enerjini idarə etməyi bacarır. Bu, bir növ incəsənətdir. Odur ki, “Şir” həmişə nəzərə almalıdır ki, enerji özlüyündə heç nə yaratmır, bu enerji yalnız lazımi istiqamətə yönəlib idarə ediləndə nəsə bir nəticə verir. Həmçinin “Şir” onun idarəçiliyi altında olmayan real həyata hörmət etməyi də öyrənməlidir. O, özünü daha çox həyatın gözəlliyinə sevinmək mümkün olduğu və başqalarına sevinc bəxş edən yaradıcı və aktyor kimi çıxış etməyin mümkün olduğu yerdə ifadə edə bilər.
Yuxuları
Bu adamların yuxularla bağlı tez-tez çətinlikləri olur. Profilaktika kimi onlara məsləhət görərdik ki, yatmazdan qabaq bədənlərini masaj etsinlər və nəfəs gimnastikası ilə məşğul olsunlar. Bu bürcün nümayəndələri yuxuları nadir hallarda yadda saxlayır, lakin yadda qalanları hər hansı problemin həllində onlara kömək edir, həmçinin gələcəkdən, sirli aspektlərdən xəbər verir. Bəzən “Şir”lərdə öncəgörmə qabiliyyəti də olur. Bu, ondan irəli gəlir ki, onların dərrakəsi “Qoç”larda olduğu kimi çox itidir və hər bir cüzi informasiyanı da “qamarlayırlar”. “Şir”lərin gördükləri yuxular çox ciddi olur. Onlar bu istedadlarını lazımınca qiymətləndirməyi bacarmalıdırlar. Bəzən də olur ki, bu şəxslər “boş-boş” yuxular görürlər. Bununsa özünəməxsus mənaları var. Lakin “Şir”lər energetik planda çox güclü insanlar olduğundan öz enerjilərilə istənilən bədxah adamı ciddi surətdə zədələyə bilərlər.
Sevgisi
“Şir”lər məhəbbətdə romantikdirlər. Sevdiyi adamla dağ başında, dəniz sahilində, təbiətin füsunkar qoynunda görüşlərə çıxmağa can atırlar. Onlar güllərlə, hədiyyələrlə dolu təmtəraqlı həyatı və nümayiş olunmağı sevirlər.
Flora dünyası
“Şir”lər torpaqda çox işləməyi xoşlayır, buna görə də hazır, dərilmiş çiçəkləri, ələlxüsus da pion, qladiolus, xrizantem güllərini bəyənirlər. Onlara zövq verən çiçəklər sırasına lalə, gülümbahar, peyğəmbərçiçəyi və kalendulanı da əlavə etmək olar. Onların ekzotik bitkilərə rəğbət bəslədiyini nəzərə alaraq deyə bilərik ki, bu adamlar evdə kiçik bir ağac da becərə bilərlər. Bu kiçik ağac palma olsa, lap yerinə düşər. Çünki palma ağacı onlara çox yaxşı təsir göstərir.
“Şir”lərin sevdikləri ətirlər: ənbər, qızılgül, inciçiçəyi, paçuli, jasmin, kokos…
Fauna dünyası
Klassik astrologiyada hər bir Zodiak işarəsinin müxtəlif heyvanlarla bağlılığı haqqında dəyərli fikirlər göstərilib. Özü də bu bağlılıq həm analoji, həm də xarakterik cizgilərlə qeyd olunub. Bu baxımdan, “Şir” bürcünə düşən heyvanlar bunlardır: şir, bəbir, qartal, xoruz, şahin və s.
Xəstəlikləri
Şir bürcünün himayədarı olan Günəş insanlara həyat enerjisi bəxş edir, bütün orqanlarda xoş əhval yaradır. Bu parlaq planet qan dövranına, həzm sisteminə də müsbət təsir edir. Astroloqlar Günəşin – Şir bürcünün hakim olduğu dövrdə (23 iyul-22 avqust) əsəb gərginliyi və göz ağrılarının şiddətləndiyini göstərirlər. Barəsində yazdığımız bürcdə diafraqma, ürək, onurğa sütunu belə qədər (yuxarıdan) bel əzələləri, tor qişa kimi fəsadlar olur. Şir bürcü ilə hipotaniya, stenokardiya, aortanın anevrizmi və başqa ürək xəstəlikləri, bel beyinin soyuqlaması xəstəlikləri əlaqəlidir.
Ölüm ünvanları
Müşahidələrdən bəlli olur ki, enerji simvolu olan “Şir”lər daha çox saraylarda, ictimai yerlərdə – mitinq və toplantılarda, bir sözlə, adamlar çox olan yerlərdə ölürlər. Aldıqları və ölümlərinə səbəb ola biləcək xəsarətlər isə bunlar olur: infeksion xəstəliklər, edam, müharibədə yaralanma, yanıq, ürək dayanması və s.
Məşhur “Şir”lər: Həzrəti Əli (ə), Xan Şuşinski, Niyazi, Mustafa Topçubaşov, Cəmşid Naxçıvanski, Şıxəli Qurbanov, Məmmədrza Şeyxzamanov, Əhsən Dadaşov, Xudu Məmmədov, Mirvarid Dilbazi, Aydın Qaradağlı, Seyfəddin Dağlı, Maral Rəhmanzadə, Flora Kərimova, İlhamə Quliyeva, Afaq Bəşirqızı, Müslüm Maqomayev (nəvə), Rafiq Hüseynov (diktor), Mehriban Ələkbərzadə, Bəxtiyar Vahabzadə, Şahmar Ələkbərov, Rasim Balayev, Etibar Elkin, Anatoli Banişevski, Toğrul Nərimanbəyov, Rəfiqə Axundova, Akif İslamzadə, Pənah Hüseyn, Əlisa Nicat, Rəfael Hüseynov, Azər Paşa Nemətov, Kamal Talıbzadə, Alim Qasımov, Kamil Vəli Nərimanoğlu, Vasif Adıgözəlov və b.
Müəllif : Səbuhi rəhimli
Ulduzlar sistemində ilk yeri tutan Qoç bürcü martın 21-dən aprelin 20-nə qədər olan müddəti (31 gün) əhatə edir. Ünsürü od, planeti Mars və Gü-nəş, xoşbəxt rəqəmi 9 (9 işlənən bütün rəqəmlər), astroloji rəngi moruğu, qırmızı, sarı-qızılı və bütün parlaq rənglər, qiymətli daşları almaz, akvama-rin və ametistdir.
Bu Zodiak işarəsi astronomik baxımdan o qədər də diqqəti cəlb etmir. Belə ki, səmanın Şimal yarımkürəsində yerləşən Qoç bürcündə müşahidə edi-lən obyektlər yoxdur. Zodiakı əhatə edən 12 bürc arasında yeganə qəmli duruş da məhz Qoçlara aiddir. Sözügedən işarənin daşıyıcıları həyatın həl-ledici məqamlarında təklənir, kədərli hadisələrə yuvarlanırlar: ağrı-acılar, it-kilər, uğursuzluqlar və s.
O ki qaldı Mars planetinə, ilk öncə qeyd etmək istərdik ki, bu planet astro-nomik hesabla 4-cü sırada yerləşir. Qədim yunanlar onu müharibə allahı Marsın şərəfinə belə adlandırıblar. Bu planetin radiusu 3390 km, elementi od, tərkibi istilik, xarakteri isə hakimlikdir. Müasir astrologiya mütəxəssisləri 2000-ci ildən Günəşi də Qoç bürcünün planeti kimi göstərirlər. Bu nəhəng kosmik obyekt astronomiyaya görə sıravi planet hesab olunur. Onun adını qədim dünya dövlətləri həmişə yaxşılığa çəkiblər. Hətta müqəddəs dinimiz olan zərdüştilikdə də Ulu Hörmüzü bəzən Günəş Allahı adlandırırdılar. Bu parlaq obyektin radiusu 696 min km, elementi od, tərkibi quraqlıq, xarakteri isə hakimlikdir.
Torpağın oyanışı ilə üst-üstə düşən Qoç bürcü hər şeydən əvvəl insanlara xeyir-bərəkət, çal-çağır və ən əsası barışıq gətirir. “Avesta” təqvimi ilə yeni ilin başlanğıcı hesab olunan bu Zodiak işarəsi hər bir kəsdə yüksək əhval-ruhiyyə, əzəmət və işlərində sürətli inkişaf təlqin edir. Lakin Balıqlar dövrü ilə müqayisədə 31 günlük müddəti əhatə edən Qoç bürcü sanki çılğın situ-asiyaların, gərgin proseslərin məntiqi davamıdır. Çünki tarixi xronologiyaya nəzər salanda ən böyük ixtişaşların daha çox bu dövrə düşdüyünün şahidi oluruq. Təkcə məmləkətimizdə baş verən iki böyük faciə yuxarıda dediyimi-zə əyani sübutdur: Bakıda ermənilər tərəfindən 15 min azəri türkünün qətli-nə səbəb olan soyqırım (31 mart, 1918-ci il) və Kəlbəcərin işğalı (2 aprel, 1993-cü il).
Bütün bunlara baxmayaraq Qoç dövrünün özünəməxsus gözəllikləri də is-tisna deyil. Belə ki, elmi-texniki tərəqqi, təhsil, mədəniyyət, ədəbiyyat və di-gər sahələrdə inkişaf da Qoçların əhatəsindədir. Mətbuat sahəsində fəaliy-yət göstərən həmkarlarımızın nəzərinə çatdırmaq istərdik ki, Qoç bürcünün gəlişi onlar üçün daha düşərli olur. Ən azı ona görə ki, həmişə jurnalistika-nın ən əzəmətli inkişafı da məhz göstərilən ərəfəyə düşür.
Qoç işarəsi altında dünyaya gələn adamlar ilk növbədə qeyri-adi həyat qüvvəsinə, nikbinliyə malik olmaları ilə seçilirlər. Onlar öz şərəflərini qoru-mağı bacarır və onu hər şeydən üstün tuturlar. Bu Zodiakın himayəsində doğulanlar ətraflarında cərəyan edən hadisələrə hamıdan tez reaksiya ve-rir, daima müasir dövrlə yaşayırlar. Loru dillə desək, ömrü boyu kommunist olan “qoç”lar indi ən demokratik bir lider də ola bilir. Bu işarənin himayəsin-də olan adamların böyük əksəriyyəti şöhrətpərəst olsa da, ehtiyatlı, enerjili, eləcə də hiyləgərdirlər. Əgər kənardan kimsə istiqamətləndirməsə, Qoçlar heç vaxt xoşbəxt olmurlar. Çünki onların maksimal romantikliyi çətinliklə baş-başa qalanda köməklərinə çatmır. Bu adamlar genişqəlbli olduqları qə-dər də eqoistdirlər. Belələri sevgidə nadir hallarda yanılır, həmişə özlərinə layiqli tərəf-müqabil seçirlər. Amma başqalarının təhriki ilə evlənib qəlbləri-nin ziddinə gedəndə bədbəxt də olurlar.
Qoça enerji verən iş və ya yeni ideya olmadıqda, az qala bütün dünya onun gözündən düşür. Lakin adətən bu hal tez keçib gedir və Qoç yenə də həmişəki nikbin vəziyyətinə qayıdır. Düşüncə və ideya baxımından ona da-ha çox yabanı, cilanlanmamış, lakin çox böyük enerjiyə malik olan ideyalar xarakterikdir. O, bir qədər dar düşünür və etiraza qulaq asmır. Depressiya-da olan Qoç əsasən belə düşünür: “Mən orijinal birisi deyiləm, heç kim mə-ni görmür, heç kim məni olduğum kimi görə bilmir, görmək istəmir”.
Nifrət, əsəbilik və qəzəb partlayışları isə daha çox primitiv Qoç üçün xarak-terikdir. Ali Qoç primitiv Qoçdan son dərəcə fərqlənir. Adi Qoç kobud, primi-tiv, bir sözlə, əsl əsgərdirsə, Ali Qoç daha çox ordunu böyük savaşlara ruh-landıran və aparan generaldır. Ali Qoçda nə kobudluq var, nə də vəhşilik. Bu xüsusiyyətlər onda anlaşma və müdrikliklə əvəz olunub. Böyük işləri həyata keçirməyə qabil olan güclü enerji isə dəyişməz qalır. Ali Qoçu allah-lardan odu oğurlayıb insanlara bağışlayan Prometeylə müqayisə etmək olar. Eynilə Prometey kimi o da öz enerjisini insanlarla bölüşür.
Qoçlar şəxsi maraqlarını hər şeydən üstün tutan adamlardır. Onlar daima keçmişin acı xatirələri ilə yaşayır, sınmış qəlblərində ağrı gəzdirirlər. Bu sə-bəbdən də haqqında danışdığım Zodiak demək olar ki, heç vaxt ürəkdən gülmür. Hətta belə bir şey baş verərsə, buna inanmaq çətindir. Çünki onla-rın gözləri həmişə kədərli olur. Göz demişkən, bir şeyi də diqqətinizə çatdır-maq istərdik. Qoç bürcünün sakinləri yüksək intuisiya, hissetmə, öncəgör-mə qabiliyyətlərinə görə digərlərindən fərqlənirlər. Onların gözlərində güclü hipnoz bacarığı da olur. Hətta bu səbəbdən orta əsrlərdə belə adamları ca-dugərlikdə günahlandırıb inkvizisiya tonqalında yandırırdılar. Yeri gəlmiş-kən, mart ayında doğulan Qoçlarla apreldə dünyaya gələn Qoçların ara-sında böyük fərqlər var. Belə ki, birincilər digərlərinə nisbətən daha tez məşhurlaşır, daha çox ədəbiyyat və incəsənətə meylli olurlar (Səməd Vur-ğun, İsmayıl Şıxlı, Lütvəli Abdullayev, Cəfər Cabbarlı və b.). İkincilər isə bir qədər radikal, əsəbi və siyasət həvəskarı olurlar (Etibar Məmmədov, Ramiz Mehdiyev, Ramil Usubov, İsgəndər Həmidov, Tofiq Qasımov və b.). Bu adamlar üçün həzin bir musiqi, şam işığı və müvəqqəti tənhalıq yetər ki, “dağı dağ üstünə” qoysunlar.
Bu işarə altında dünyaya gələnlər adətən ortaboylu, orta çəkili, uzun bo-yunlu, ala və ya qəhvəyi gözlü olurlar. Nisbətən sarı bəniz, yuxarı dartılmış çatma qaşlar, qabarıq burun, şabalıdı saçlar, qabağa çıxmış iri dişlər və al-macıq sümüklər, dəyirmi al yanaq, quru, pıtraq, bəzən də qıvrım saçlar, enli sümük, dəqiq, ifadəli baxışlar Qoçlar üçün xarakterikdir.
Seyers və Vinni adlı münəccimlərin “Qoroskopdan pis xəbərlər” kitabında Qoçlar haqqında belə yazılıb: “Əgər siz Qoç bürcündən heç olmasa bir nə-fər tanıyırsınızsa, onda həmin şəxsdə dinamikliyin, qorxmazlığın və qüvvə-tin nə olduğunu görərsiniz. Kişi-Qoçlar paxıl, lakin sona qədər mübariz, qəddar və hətta daşürəkli olurlar. Qadın-Qoçlar dünyəvi məsələlərdə çox-luq gedən yolla gedir, digər məsələlərdə isə yalnız öz fikirlərinin yeridirlər. Buna baxmayaraq, statistika göstərir ki, Qoçların 90 faizi bütün ömrü boyu “ana uşağı” kimi qalırlar”.
Əksər Qoçlar rüşvət verməyi xoşlamadığı kimi, almağı da sevmirlər. Yalnız haqq-ədalət tərəfdarı kimi tanınan belələri bunun naminə hətta güclü təzyi-qə, ölümə də tuş gəlirlər. Əgər metroda və ya avtobusda hansısa bir qıza xuliqanlar sataşsa və hamı susduğu halda birisi qızı müdafiə etsə, bilin ki, o, mütləq Qoç bürcündəndir. Amma nədənsə orta əsrlərdə bu adamları ən aqressiv və dağıdıcı kimi qələmə verirdilər.
Acıdil, çoxdanışan, “Həmişə öz fikrim həqiqətdir” düşüncəsində olan Qoç-lar başqaları tərəfindən qəbul edilməyəndə məyus olur, bəzən sakit bir gu-şəyə çəkilib insanlardan təcrid də olunurlar. Amma heç vaxt ruh düşkünlü-yünə mübtəla olmur, əksinə, daha əzmkarlıqla mənəvi boşluqlarını qısa bir zamanda doldurmağa çalışırlar.
Qoçlar digər Zodiak işarələrinə nisbətən o qədər də səliqə-sahmana fikir vermirlər. Daima zövqsüz və ya sadə geyinən bu adamlar kənardan necə qiymətləndiriləcəklərinə əhəmiyyətsiz yanaşırlar. Onlar baş verən hər bir hadisənin mahiyyətindən daha çox romantik meyarlarına diqqət kəsilirlər. Qoçlar təzadları sevir, “Ќecə varamsa, o cür də qəbul et!” prinsipinə üstün-lük verirlər.
Söhbətimizin əvvəlində qeyd etdiyimiz kimi hələ qədimlərdə bu bürc altında doğulanlara ilahi bir varlıq kimi yanaşırdılar. Elə bu səbəbdən də Qoçlara həmişə yüksək peşələrdə çalışmağı tövsiyə edirdilər. Müasir astrologiya bu adamlardan daha çox ədəbiyyat və incəsənət xadimləri yetişdiyini bildirsə də, antik və orta əsr münəccimləri onların siyasət, hərb və səhiyyə sahələ-rində daha yararlı olduğunu vurğulayırdılar.
Məşhur “qoç”lar: Muhəmməd Əleyhissəlam, Əmir Teymur, Nikolay Qoqol, Aleksey Ostrovski, Maksim Qorki, Çarli Çaplin, Adolf Hitler, Mayn Rid, Jan Pol Belmondo, İohann Bax, Helmut Koll, Aleksandr Lebed, Nəsibə Zeyna-lova, İsgəndər Həmidov, Tofiq Qasımov, Etibar Məmmədov, Ramil Usu-bov, Firəngiz Mütəllibova, Zemfira Nərimanova, Ceki Çan, Eddi Merfi…
Müəllif : Səbuhi rəhimli
Qışdan Bahara keçid dövrünü təşkil edən Balıqlar bürcü ilk növbədə emosiyaları qıcıqlandırması ilə diqqəti cəlb edir. Belə ki, əgər özündən əvvəl gələn Sutökən bürcü cəmiyyətdə gedən proseslərə, qarşıdurma və müharibələrə sabitlik gətirirsə, haqqında yazdığımız işarə yenidən gərgin situasiyaların başlanmasına zəmin yaradır. Balıqlar bürcünün gəlişi ilk növbədə yaradıcı adamları, xüsusən də qələm əhlini həvəsləndirir. Onlar öz peşələrində müvəffəqiyyətə nail olmaq üçün fədakarlıq göstərir, qış boyu yarımçıq qalan işləri məmnuniyyətlə davam etdirirlər.
Balıqlar bürcü kənd əhalisi üçün də əlamətdar olur. Əkinçiliklə məşğul olan bölgələrin sakinləri yazqabağı tarlalara çıxır, sadə dillə desək, tər tökməyə başlayırlar. Bir amili də yadda saxlamaq lazımdır ki, təbiətin oyanışı və Novruz çərşənbələri də “Balıqlar”ın dövrünə təsadüf edir.
Balıqlar bürcünün adı daha çox xristianlarla bağlıdır. Hətta qədimlərdə balığı xristianlığın simvolu sayırdılar. “Balıq” sözü isə (yunanca: ichtis) məna etibarilə üç müqəddəs kəlməni izah edirdi: İsa Məsih, Allahın Oğlu, Xilaskar.
Astronomik parametrləri
Ulduzlar sistemində sonuncu – yəni 12-ci yeri tutan Balıqlar bürcü bir qayda olaraq fevralın 20-dən martın 20-nə qədər olan dövrü əhatə edir. Ünsürü su, planeti Neptun və Yupiter, rəngi bənövşəyi, göy, rəqəmi 6 və 7, daşı ametist, zümrüd, sapfir, çiçəyi nərgiz, yasəmən, metalı sink, uğursuz günü çərşənbə, uğurlu günü isə cümə axşamıdır.
Bu bürcü əmələ gətirən ulduzlar Göy qübbəsinin 900 kvadrat dərəcəlik sahəsini tutur. Onun tərkibində adi gözlə görünən 75-ə qədər ulduz var. Lakin “Sutökən”də olduğu kimi bu bürcdə də heç bir parlaq ulduz yoxdur. “Balıqlar”ın tutduğu sahə demək olar ki, səmanın bütünlüklə şimal yarımkürəsini əhatə edir.
Bu zodiakın ulduzlar sistemindəki təsvir pozası olduqca maraqlıdır: balıqların hər ikisi bir-birinə “bağlanıb” və sanki yem axtarmaq üçün həmin nöqtədən çıxıblar. Onlardan biri yuxarı – Göy qübbəsinin cənub yarımkürəsinə üz tutub, digəri isə ağzını “Sutökən”in dolçasından axan suya yönəldib. Lakin su onun yaxınlığından keçib başqa yerə – Cənub Balığı bürcünün ağzına axır. Qənaətlərimizə görə, bu balıqlar tələyə salınıb və azadlıq naminə o tərəf-bu tərəfə çabalayırlar (quyruqlarındakı qandallar da dediyimizə əsas ola bilər – S.R.). Çünki sadaladığımız xüsusiyyətləri bəhs etdiyimiz bürcə şamil olunan adamlarda da görmək olar. Səma xəritəsində “Balıqlar”ın digər qonşusu – “Qoç” isə neytral bir mövqe seçib. Hər iki bürcün bir-birindən fərqi böyük olduğu üçün onların arasında görünməz bir sədd var. Bu isə ona dəlalət edir ki, hər iki zodiak işarəsindən olan şəxslər həyatda bir-birinə qarşı bir qədər ehtiyatlı yanaşmalı, ələlxüsus da işbirliyi yaratdıqda tədbirli olmalıdırlar. Əks təqdirdə onların münasibətləri asanlıqla pozula bilər. Balıqlar bürcünün gecə evi olan Neptun astronomik hesabla 8-ci sırada yerləşir. Onun radiusu 2510 km, elementi su, xarakteri soyuqluqdur.
Bu bürcün ikinci planeti – Yupiter isə astronomik hesabla 5-ci sıradadır. O, Ay və Veneradan sonra Yerə ən parlaq işıq saçan obyektdir. Onun radiusu 71300 km, elementi hava, tərkibi istilik, xarakteri hakimlikdir. Bəziləri Yupiteri “Böyük xoşbəxtlik planeti” də adlandırırlar.
Xarakterik xüsusiyyətləri
Balıqlar bürcü altında dünyaya gələn adamlar ən qəribə zodiak işarəsi hesab olunurlar. Orta əsr münəccimləri bu cür şəxsləri təmkinlərinə və uzun ömürlərinə görə digərlərindən fərqləndirirdi. Qənaətlərə görə, “Balıqlar” qısa zamanda, həmçinin gənc yaşlarında ikən məşhurlaşa bilirlər. Haqqında yazdığımız bürcün sakinləri uzaqgörənlikləri sayəsində öz həyat və peşə perspektivlərini neçə illər öncədən təyin edir və yanılmadan fəaliyyət göstərirlər.
Qərb münəccimləri isə “Balıqlar”ı iki xüsusi keyfiyyətə bölürlər. Bu, artistlik bacarığı və siyasətçilikdir. Qədim Babil münəccimləri belə hesab edirdilər ki, Balıqlar bürcünün himayəsində dünyaya gələnlər özündən əvvəlki işarələrin hərəsindən bir neçə xüsusiyyət “oğurlayıb”. Bu səbəbdən də onları həddindən artıq “təzadlı və mürəkkəb xarakterə malik adam” kimi qələmə verirdilər.
Bu bürcün sakinləri uzaqgörən, dəqiq, işini ehtiyatla tutan və bir qədər hiyləgər olurlar. Onlarla hansısa konfliktə girmək təhlükəlidir. Və rəqibləri bunun üçün böyük riskə getdiklərini başa düşməlidir. “Balıqlar” baş verən hər bir hadisəyə sakit və qərəzsiz yanaşmağa çalışırlar. İşdir, əgər çılğınlıq və ya hövsələsizlik nümayiş etdirsələr, mütləq məğlubiyyətlə üzləşirlər. Hətta antik dövrün münəccimləri də belə hesab edirdilər ki, bu zodiak işarəsində dünyaya gələn adamlar yalnız səbrli olmaqla öz niyyətlərinə qovuşa bilirlər.
Bu şəxslər kiçikboylu görünürlər, hətta boyları kifayət qədər hündür olduqda da onları heç kim seçə bilmir. Balıqlar bürcündən olan sürücünü heç təbii fəlakət də yol hərəkət qaydalarını pozmağa məcbur edə bilməz. Hətta yolda piyada və ya başqa maneə olmayanda da, onlar yenə də dördyol kəsişməsində avtomobili dayandırırlar. Bir sözlə, bu adamlar çox ehtiyatlı olurlar. Əgər “Balıqlar” kiməsə qurğu və ya tələ qurmaq istəsələr, bu, böyük hay-küy yaradır, onlar ifşa olunurlar. Belələrinin rəhbərliyi altında çalışanlar öz müdirlərinə asanlıqla hiylə gələ bilir, hətta bəzi hallarda onu müflisləşdirirlər də.
“Balıqlar” bir qayda olaraq tam əmin olmadıqları işlərə baş qoşmurlar. Belə məqamlarda uzaqgörənlik onların köməyinə, yaxın ətrafınınsa rəğbətinə səbəb olur. Müasir münəccimlərin ən etibar etdiyi və inandığı Alan Leo bildirir ki, əgər lazımınca qiymətləndirilmirsə, “Balıqlar” öz istedad və qabiliyyətlərini qəlblərində saxlayır, heç vaxt büruzə vermirlər.
Bu bürcün sakinləri yaxşı sirr saxlamağa, anlaşılmaz situasiyalardan asanlıqla qurtulmağa qabildirlər. Onlar sevimli və zərif olduqları kimi, narahat və hövsələsiz də olurlar. Orta əsrlərdə bu adamları bəxti gətirməyənlər, yaxud da ikili həyat yaşayan adlandırırdılar. Belələri öz talelərilə tez barışır və “yəqin belə də olmalıymış” düşünürlər. “Balıqlar” üçün ən təhlükəli məqam öz səlahiyyətlərini başqalarına həvalə edərkən yaranır. Bəzən bu, onların həyatı bahasına başa gəlir, talelərinə qüssə və bədbəxtlik gətirir. Odur ki, “Balıqlar”a özlərinə böyük inam bəsləmələri məsləhət görülür.
Həssas və zəif “Balıqlar” magik təsirə məruz qalan bürcdür. Buna baxmayaraq, onlar fövqəltəbii varlıqlara meylli olurlar. Amma bu işlərlə məşğul olmaq onlara məsləhət görülmür. Əks halda fəlakətlə, xəstəliklərlə üzləşə bilərlər. Onlar müdafiəsiz və dözümsüz olur, bəzən problemlərini özləri həll etmək istəyirlər. Öz düşmənlərindən intiqam almaq üçün magiyadan istifadə edir və nəticədə bundan yalnız özləri əziyyət çəkirlər. “Balıqlar” həm də tez-tez maraqlı yuxular görür, lakin bu yuxuları şərh edə bilmirlər. Əgər onlar inadkar şəkildə fövqəltəbii varlıqlarla, mərasimlərlə məşğul olmaq istəyirlərsə, onlara “Əqrəb” və ya “Buğa” müttəfiq ola bilər. Onların birlikdə böyük uğurlar qazanması mümkündür.
Yer kürəsində bu bürclər qədər haqqı tapdanan, get-gələ salınan yoxdur. Hətta bəzən buna görə onlarda hamıya qarşı inamsızlıq hissi baş qaldırır. Apardığımız müşahidələrə görə, Balıqlar bürcündən olan adamların ürəyində daimi bir “dağ” olur və bu “dağ” zaman-zaman onları üzüntülərə məruz qoyur. Hətta bir çox hallarda bu bürcün sakinləri həmin “dağ”ın ucbatından ya olduqca gec evlənir, ya da ömürlərinin sonuna qədər subay qalırlar (Bu sıraya ayrılmalar da şamildir – S.R.).
Qədim zərdüştilik astrologiyasında “Balıqlar”ın taleyini iki dövrə bölürdülər. Kahinlərin qənaətincə, bu adamlar ən əziz simsarlarından birini itirir və bununla da onların taleyində ikinci dövr başlayır, böyük dəyişikliklər baş verir.
Elə güman etməyin ki, haqqında yazdığımız bürcün xarakteristikası yalnız bədbin notlar üzərində köklənib. Əslində, əyləncəyə həvəsinə, yumor hissinə, mehriban ünsiyyətinə və sadiqliyinə görə onlar həmişə seçilirlər.
Peşə yönümləri
Bu bürc altında doğulanlara hələ qədimlərdən ağır işlərdə işləməyi məsləhət görmürdülər. Peşəkar münəccimlər Balıqlar bürcündən olan adamlara daha çox yaradıcı fəaliyyətlə, incəsənət və ədəbiyyatla məşğul olmağı məsləhət görürdülər. Müasir dövrümüzdə isə onlar həm də siyasətlə, elmi fəaliyyətlə, texnologiya ilə məşğul olur, yüksək artistlik bacarığı ilə minlərlə, milyonlarla insanın diqqət mərkəzində olurlar.
Məşhur “Balıqlar”: Corc Vaşinqton, Çarlz Darvin, Əbdürrəhim Bəy Haqverdiyev, Musa Nağıyev, Əlibəy Hüseynzadə, Süleyman Rüstəm, Fərman Kərimzadə, Bəşir Səfəroğlu, Mustafa Mərdanov, Əlağa Kürçaylı, Mövlud Süleymanlı, Şəmsi Bədəlbəyli, Vaqif Mustafazadə, Çak Norris, Süleyman Ələsgərov (bəstəkar), İmam Mustafayev, Elmira Qafarova, Viktor Yuşşenko, İsa Qəmbər…
Müəllif : Səbuhi rəhimli
Bu bürc altında doğulanlar bacarıqlı vəkil, ticarətçi, hüquqşünas olmaqla yanaşı, bəzən mahir fırıldaqçıya da çevrilirlər
Yola saldığımız Buğa bürcündən fərqli olaraq Əkizlər bürcünün əhatəsi istər cəmiyyətdə, istərsə də sosial həyatda gedən proseslərə o qədər də ciddi təsir etmir. Hələ qədimlərdə bu zodiakın qeyri-müəyyənliyini, prosesləri yubatmasını pisləyir, taleyüklü məsələlərin həllini sonrakı bürclərin dövrünə saxlayırdılar. Antik dünyanın münəccimləri “Əkizlər”in ikili xarakterinə, “ziddiyyətli iki nəfər” olmasına həmişə ehtiyatla yanaşırdılar.
Ulduzlar sistemində üçüncü yeri tutan Əkizlər bürcü təxminən mayın 22-dən iyunun 21-nə qədər olan dövrü (31 günü) əhatə edir. Ünsürü hava, planeti Merkuri, xoşbəxt rəqəmi 3, 5, 12, 18, düşərli günü çərşənbə, bazar, düşərsiz günü cümə axşamı, astroloji rəngi bənövşəyi, boz, açıq-sarı, narıncı, uğursuz rəngi yaşıl, qiymətli daşı əqiq, dağ kristalı, metalı qızıl, gümüş, enerji verən çiçəyi marqaritka, lalə, jasmin, nərgiz, müxalif bürcü isə Oxatandır.
Əkizlər bürcü Göy qübbəsində 524 kvadrat dərəcəlik sahəni tutur. Ona adi gözlə görünən 70 ulduz daxildir. Kastor və Polluks ulduzları isə daha parlaqdır. Səmanın şimal yarımkürəsində yerləşən Əkizlər bürcü digər zodiak işarələrindən yüksəkdə durur.
Bu bürcün planeti olan Merkuri astronomik hesabla birinci yeri tutur. Onu qədim Roma Allahı Merkurinin şərəfinə belə adlandırıblar. Bu planet ticarət və alış-veriş işlərinə böyük təsir göstərir, eləcə də idmanın inkişafında əhəmiyyətli rol oynayır. Qədimlərdə Merkurini həm də ölmüş insan ruhlarının və yeraltı aləmin hakimi hesab edirdilər. Onun radiusu 2440 km, elementi torpaq, tərkibi quraqlıq, xarakteri isə şöhrətpərəslikdir.
Xarakterik keyfiyyətləri
Hazırda Göy qübbəsinə hakim kəsilən bu bürc altında dünyaya gələn adamlar ilk növbədə müşahidəçilik qabiliyyəti ilə seçilirlər. Onlar başqalarının informasiyalarından daha çox öz intuisiyalarına inanırlar. Bu bürcün sakinləri dünyanı olduğu kimi deyil, öz xəyallarındakı kimi təsəvvür edirlər. Məhz bu səbəbdən də əksər hallarda ömürləri boyu reallıqdan kənarda qalır, mürəkkəb prosseslərdə özlərini itirirlər.
“Əkizlər”in ən böyük qüsuru ikili fikrə malik olmalarıdır. Belə ki, onlar lazımi məqamda qərar çıxarmaqda çətinlik çəkirlər. Bəzən hətta son ana qədər baş verən məsələyə münasibət bildirməkdən də çəkinirlər. Əlbəttə ki, bundan əvvəl haqqında yazdığımız Buğa bürcünün sakinləri də öz fikirlərini son məqamda deyirlər. Lakin birincilərdə bu addım təmkinlə, uzaqgörənlikdən irəli gəlirsə, ikincilərdə səriştəsizlikdən və qətiyyətsizlikdən doğur. Yəqin elə bu səbəbdən də bəzi münəccimlər belələrinin etibarlı dost olmadığını israr edir.
“Əkizlər” nadir hallarda zəmanədən şikayətlənirlər. Onların əsas gileyi yalnız insanlar olur. Əgər belə tanışlarınız varsa, yəqin ki, dediklərimizi təsdiqləyərsiniz. Bu zodiakın nümayəndələri həmişə narahat görünürlər. Bəzən hətta cəmiyyətdən təcrid olunub ağır güzəran da keçirirlər. Lakin gələcəyə romantik inam həmişə onlarda yarana biləcək ruh düşkünlüyünün qarşısını alır. Bu bürcdən olan adamlar özləri haqda az və ya yalnız yanlış informasiya verirlər. “Gözümlə görməsəm, inanmaram” ifadəsi də məhz onlar üçündür. Çünki “Əkizlər”i danışıq və məsləhətlə yola gətirmək nadir hallarda baş tutur. Bu şəxslər təcrübələri olmayan heç bir prosesə inanmırlar. Çevik və aktiv olan “Əkizlər” başladıqları işi axıra çatdırmağa meylli olsalar da, bu istək çox vaxt reallaşmır. Münəccimlər hesab edir ki, bu zodiak işarəsi altında dünyaya gələnlərin qəlbində böyük mərhəmət və xeyirxahlıq hökm sürür. Sadəcə olaraq, bunu üzə çıxarmaqda çətinlik çəkirlər. Bəzən ömürlərinin sonuna qədər sadaladığımız bu mühüm keyfiyyətləri büruzə verə bilmirlər. “Əkizlər” tənhalıqdan çox qorxurlar (axı onlar bir nəfər deyil – S.R.). Çox vaxt belə hallardan üzülüb özlərinə qəsd də edirlər.
Karmaya görə, hava işarəsi olan “Əkizlər” kommunikasion əlaqəni təcəssüm etdirir. O, əlaqə, informasiya və kibernetikanı idarə etdiyindən müasir sivilizasiyada olduqca vacib rol oynayır. Beləsi üçün daha çox hər hansı informasiyanı səthi şəkildə qavramaq və dərhal da başqasına ötürmək xarakterikdir. Onun bu qədər qeyri-dəqiq olmasının müsbət tərəfləri də var. “Əkizlər” insanı mahiyyətə varmadan aralaşdırıb, səthə çıxararaq bir növ ruhi əzabları yüngülləşdirir. Bununla da yeniləşməyə səbəb olur.
Ali Əkizlər hər hansı bir məsələnin mahiyyətinə varmaqla məşğuldur. Bunu sözün əsl mənasında onların məşğul olduqları sahənin fələsəfəsi də adlandırmaq olar. Hər bir elmdə və ya insan fəaliyyəti sferasında müəyyən qanunlar var ki, bunlar da elmi yox, daha çox mistik xarakter daşıyır. Ali Əkizlər məhz bu qanunları kəşf etmək üçün Yer kürəsinə göndərilir. Beləsi dinin və fəlsəfənin sintezini yaratmağa çalışmalıdır.
“Əkizlər”in diqqətini cəlb etmək üçün həmişə yüksək əhval-ruhiyyədə olmaq lazımdır. Onlar daxili aləmini sonacan dərk etmədikləri, sirli, qeyri-adi insanları sevirlər. Unutmaq olmaz ki, “Əkizlər” hər şeylə maraqlanır, fantaziyaları sevirlər. Onlar məşhur insanları, parlaq söhbətləri və əyləncələri olan cəmiyyətə çıxmaq istəyirlər.
Bu şəxslərə xas olan uzaqgörənlik və ehtiyatlılıq heç də özünü həmişə doğrultmur. Bunlar bir-birilə mübarizə apara, hər iki tərəfə kömək edə və ya aranı qızışdıra bilərlər. Onlar məhz bu cür xarakterə qadirdirlər. Onlar hətta “yayda qar da tapa bilərlər”. Hər işi bacarmalarına baxmayaraq, “Əkizlər”in intim əlaqədəki cəhdləri uğursuzluqla nəticələnir.
Qadın-Əkizlər çoxlu açarları olan vəzifəli şəxslərə qarşı xüsusi ehtiras bəsləyirlər: bu vəzifəli şəxs bank direktoru, türmə rəisi və s. ola bilər. Bu cür insanlar rəhbər orqanlara keçdikdən sonra çətinlikləri bəhanə gətirərək, öz tərəf-müqabillərini “soymaqla” məşğul olurlar.
Kişi-Əkizlər isə bu cür haqsızlığa dözə bilmir, bunun qarşısını almaq üçün əllərindən gələni edirlər.
Bu bürcə aid insanlar istənilən mühitdə uğur qazana bilərlər. Lakin əminliklə demək olar ki, onlar heç bir sahəni mənimsəmirlər. Onların karyera qurmaq üçün ən yaxşı şansı musiqidə, ələlxüsus da ədəbiyyat sahəsində olur. “Əkizlər” maliyyə və kapitalla rəftar etməyi bacarmırlar. Buna görə də pulla bağlı problemlər az qala bütün ömürləri boyu onları təqib edərək çoxlu sıxıntılara, hətta ailə qalmaqallarına da səbəb olur. Onların fəaliyyət göstərməsi üçün nisbətən uğurlu mühit radio, televiziya və dilçilikdir. Həmçinin kapital qoymaq üçün onların ən uğurlu sahəsi kağız istehsalıdır.
Bir şeyi də nəzərinizə çatdıraq ki, barəsində yazdığımız bürcün qadınları əzmkarlıq, zəhmətkeşlik baxımından heç də kişilərdən geri qalmırlar. Müasir astrologiyaya görə, Əkizlər və Oğlaq bürcünün qadınları evlilik həyatında ailə başçısı missiyasını öz üzərlərinə götürürlər. Bəzən də ailəsini təkbaşına dolandırırlar.
Ümumiyyətlə, “Əkizlər”in müəmmalı cizgiləri çoxdur. Bəzən onların halı xarab olanda ətrafdakıların ovqatını səbəbsiz yerə korlayır, müəyyən vaxtdan sonra buna görə təəssüflənib üzr istəyirlər. Fikirlərini konkret bir məsələ üzərində cəmləşdirə bilməyən “Əkizlər” bəzən nəyisə təhlil edir, hərtərəfli aydınlaşdırır, sonra isə bunu yarımçıq qoyub başqa bir işə girişirlər. Bu xüsusiyyət isə onları başqalarından üstün göstərə bilmir. Bu adamlarda nəzakət və mülayimlik az olur. “Əkizlər” hətta sevəndə də qısqanclıq və çığır-bağır səhnələrinə davam gətirməkdənsə, qaçmağı vacib sayırlar. Onlar öz hisslərini çox ustalıqla gizlədə bilirlər. Bu işarə altında doğulanların sevgisini qazanmaq üçün əvvəlcə özünüz onlara məhəbbətinizi bildirməlisiniz. Çünki “Əkizlər” öz sevgisini heç vaxt etiraf etməyəcək, səylə öz hisslərini gizlətməyə çalışacaqlar. Onlar evlilik həyatında, ailədə uşaqları çox sevir, amma onlara qarşı o qədər də diqqətli olmurlar.
Bu bürc altında dünyaya gələn adamlar ən müxtəlif peşə qabiliyyətlərinə malik olurlar. Müasir dünya astrologiyası “Əkizlər”dən bacarıqlı vəkil, ticarətçi, katib, hüquqşünas, müəllim, səyahətçi, natiq, filosof, siyasi vasitəçi, bəzənsə fırıldaqçı və oğrular yetişdiyini bildirir. Amma bütün dövrlərin nücum elmi birmənalı qaydada bəyan edir ki, Əkizlər bürcünə şamil edilənlər daha çox mətbuat işçisi kimi yararlı olurlar. Çünki bu adamlar qədər informasiyanı tez qəbul edənlər yoxdur. Çox güman ki, məmləkətimizdə çıxan qəzetlərdə fəaliyyət göstərən “Əkizlər” digər həmkarlarına nisbətən daha fəaldır.
İdarəedici “Əkizlər” isə yaradıcı, oyun qaydalarını yaxşı bilən, bəzi hallarda isə hiyləgər olurlar. Ona tabe olanlara mütləq sərbəstlik lazımdır. Bu rəhbərlə şəxsi münasibətləri dərinləşdirmək məsləhət deyil. Yoxsa öz problemlərinizlə onda sizə qarşı ikrah yarada bilərsiniz. Rəhbər “Əkizlər”lə ehtiyatlı olmağınız da vacibdir. Çünki o, kənar təsirlərə tez uyur, işçiləri haqqında deyilən hər yalana inanırlar. Bu səbəbdən də karyeraya yetişmək istəyirsinizsə, öz giley-güzarınızı bir tərəfə atıb yalnız fəaliyyətlə məşğul olmalısınız. Yaxşı olar ki, müdirinizə yeni ideyalar verəsiniz. Amma yumor hissinizi də dondurmamalısınız.
Məşhur “Əkizlər”: Qasım Bəy Zakir, Mirzə Şəfi Vazeh, M.Ə.Sabir, Qaçaq Ќəbi, Məmməd Arif, Möhsün Sənani, Hökumə Qurbanova, Mikayıl Müşfiq, Vaqif Səmədoğlu, Hamlet Xanızadə, Xuraman və Fidan Qasımovalar, Hacı Xanməmmədov, Ќiyaməddin Musayev, Ömür Ќağıyev, Afaq Məsud, Amaliya Pənahova, İsa Hüseynov, Bəsti Cəfərova, Hacağa Abbasov, Eldar Rzaquliyev, Ќazim İmanov, Söhrab Tahir, Mehdi Məmmədov, Habil Əliyev, İlyas Əfəndiyev, Asim Mollazadə, Ramiz Fətəliyev, Gülyanaq Məmmədova, Oqtay Mirqasımov və b.
Müəllif : Səbuhi rəhimli
1913. Britannika ensiklopediyasının reklam plakatı
Britannika ensiklopediyası (ingilis dilində: Encyclopaedia Britannica) – ingilis dilində universal ensiklopediyadır. Şotland maarifçiləri Adam Blek və Çarlz Blek (Adam Black, Charles Black) tərəfindən Edinburq şəhərində yaradılmışdır.
Tarixi
İlk nəşri ensiklopedik lüğət əsasında 1768-1771-ci illərdə 3 cilddə həyata keçirilmişdir. Britannika ensiklopediyasının ilk 8 nəşri Edinburq şəhərində buraxılmışdır. 1870-ci ildə nəşriyyat «The Times» qəzetinin himayəsi altına verilir və London şəhərinə köçürülür. Ensiklopediyanın 11-ci nəşrini Kembric universiteti 1500 ekspertin iştirakı ilə həyata keçirir. 1901-ci ildə Britannika ensiklopediyası ABŞ-nın Çikaqo şəhərindən olan Huper adlı mülkiyyətçi tərəfindən alınır. 20-ci illərdə ensiklopediya «Sheers, Roobeck & Co» firması tərəfindən satın alınır və 1941-ci ildə Çikaqo universitetinə baöışlanır.
1974-cü ildə Britannika ensiklopediyasının sonuncu – 15-ci nəşri (“New Encyclopaedia Britannica” adı altında və ya Britannica 3) buraxılır. 1985-ci ildə ensiklopediya Mortimer Adler tərəfindən yenidən işlənərək iki hissəyə ayrılır: “Mikropediya” və “Makropediya”. Buradakı məqalələr məlumatların dərinliyinə görə fərqlənirlər. 1994-cü ildə Britannika ensiklopediyasının CD-ROM-da elektron variantı buraxılır.
1996-cı ildə Britannika ensiklopediyasının hüquqları İsveçrə milliarderi Jak Safranın (Jacqui Safra) ixtiyarına keçir. Britannikanın əmtəə nişanının hüquqları Encyclopaedia Britannica Inc kompaniyasına aiddir.
Ensiklopediyanın 15-ci nəşrinə 120 min məqalə, 44 mln söz daxildir. Çap halında 32 cild, 32 min səhifə, 65 mindən çox məqalə, 24 min fotoşəkil, xəritə və təsvir vardır. Qiyməti 1400 dollardır.
CD-ROM-da Britannika ensiklopediyası 100 min məqalə malikdir və qiyməti 50 dollardır. Hələ 1998-ci ildə ensiklopediyanın kompakt disklərdə buraxılan elektron variantının qiyməti 2000 dollar idi.
Britannikanın 15-ci nəsli
Britannika İnternetdə
32 cildlik Britannika ensiklopediyasının kağız variantı ilə yanaşı on-line variantı da mövcuddur. Dünyanın ən böyük ensiklopediyalarından biri sayılan Britannika ensiklopediyasın İnternetdəki variantına 122264 məqalə daxildir. Ensiklopediyaya daxil olmaq üçün istifadəçilər illik 60 dollara qeydiyyata alına bilərlər. Bunlardan əlavə ensiklopediyaya 403 seçilmiş qəzet və jurnallardan 300000 material daxil edilmişdir. Mətn şəklində verilmiş hər bir informasiyanı on minlərlə şəkil və video tamamlayır. Britannika ensiklopediyası universal informasiya mənbəyi kimi dünyanın bir sıra universitet və elmi təşkilatlarında istifadə edilir. Oksford və Qarvard universitetləri də daxil olmaqla bu ensiklopediyadan istifadə edən təhsil ocaqlarının ümumi sayı artıq 4755 olmuşdur.
Fəaliyyət göstərdiyi 239 il ərzində Britannika ensiklopediyası dünyada ən çox müraciət olunan ingilis dilli ensiklopediya statusunu almışdır.
|
|
